Os activistas a favor da lingua galesa demandaron cambios importantes antes de que se promulgue unha nova lei da lingua galesa nunha protesta no National Eisteddfod, un festival de música e poesía en galés. Os membros da Sociedade da Lingua Galesa (Cymdeithas yr Iaith Gymraeg) pedíronlles aos políticos que se "rebelen" contra os plans da nova lei da lingua galesa.

Fonte: Daily Post

Os gobernos de Ecuador e Finlandia, a Unicef e a Universidade de Cuenca subscribiron un convenio para consolidar a educación intercultural bilingüe de pobos e nacionalidades da Amazonia ecuatoriana.

Fonte: Prensa Latina

Durante unha viaxe ás provincias atlánticas, o ministro de Patrimonio Cultural e Linguas Oficiais de Canadá, xunto co ministro de Asuntos Acadios de Nova Escocia, anunciaron a sinatura de convenios sobre as linguas oficiais co Goberno de Nova Escocia e a comunidade acadia e francófona da provincia.

Fonte: Marketwire

Todos os xuízos de Ucraína deberán celebrarse exclusivamente en ucraíno, incluso se os participantes falan outras linguas, incluído o ruso, afirmou o subdirector de Persoal da Administración presidencial de Ucraína, Andrei Portnov.

Fonte: The Moscow Times

O ex-primeiro ministro de Malaisia, Mahathir Mohamad, apoiou completamente que se continúe ensinando a lingua inglesa en Malaisia, xa que, afirma, isto "non nos fai menos patrióticos".

Fonte: Sify

Eslovaquia recibiu varias recomendacións do Comité de Ministros do Consello de Europa relativas á Carta Europea das Linguas Rexionais ou Minoritarias.

Fonte: The Slovak Spectator

O Goberno revisará a normativa para permitir que máis mulleres inmigrantes traballen como tradutoras e intérpretes nas axencias estatais e en empresas privadas, nun intento de aproveitar mellor o seu talento bilingüe, segundo afirmou o Ministerio de Igualdade de Xénero e Familia.

Fonte: BusinessGhana

Os policías, médicos e axentes de aduana de Ucraína que participen nas finais do Campionato Europeo de Fútbol Eurocopa 2012 realizarán cursos especiais das principais linguas europeas, segundo afirmou o Viceprimeiro Ministro para a Eurocopa 2012 Borys Kolesnikov.

Fonte: KyivPost

O hindi podería converterse pronto nunha das linguas oficiais das Nacións Unidas. A India está facendo esforzos para situar a lingua nacional no nivel que lle corresponde, segundo afirmou no Parlamento o ministro de Asuntos Exteriores, S.M. Krishna.

Fonte: DNA India

Tras unha longa historia de postergación e unha polémica non exenta de idas e vidas, debátese no Parlamento de Paraguai o proxecto de Lei de linguas, co fin de que se declare lingua oficial o guaraní, en igualdade de condicións co castelán.

Fonte: Terra