O Goberno federal atópase nunha situación desesperada para salvar da posible extinción máis de 500 linguas indíxenas faladas en distintos lugares de Nixeria. O predominio da cultura occidental na vida cotiá do nixeriano medio está a afectar a competencia oral dos usuarios de linguas maternas.

Fonte: Sunday Tribune

O Ministerio de Educación de Israel está tomando medidas para promover que os nenos xudeus aprendan o árabe, nun intento de mellorar as comunicacións cos árabes israelís, segundo informou o Goberno.

Fonte: The Earth Times

A lingua rusa constitúe unha parte fundamental do programa da Escola Fino-Rusa de Finlandia Oriental, situada en tres lugares: Imatra, Joensuu e Lappeenranta. O ruso estúdase durante catro horas á semana xa no primeiro ano.

Fonte: Helsingin Sanomat

Xapón proporcionará traducións ao inglés no exame profesional para ser enfermeira co fin de suprimir un obstáculo lingüístico para as persoas estranxeiras, dado que case todas suspenderon o exame este ano.

Fonte: MySinchew

Antes de mediados de século, a lingua española será a de maior número de falantes no planeta. Non obstante, advirten de que hai varios aspectos que deben ser mellorados no seu ensino.

Fonte: Contexto

Paraguai aproba un proxecto de lei que establece a obrigatoriedade da lingua de signos nos informativos dos medios de comunicación audiovisuais co obxectivo de asegurar o acceso das persoas con discapacidade auditiva, en igualdade de condicións, ás informacións de interese social, económico, político e cultural do país.

Fonte: La Nación

O ensino oficial do portugués en América do Norte cumpre 100 anos en 2010, efeméride celebrada en Fall River, estado norteamericano de Massachusetts, por un congreso e actividades culturais e relixiosas.

Fonte: Açoriano Oriental

O suahili é agora unha lingua oficial de Kenya, o que significa que as persoas poden esixir que as atendan nesa lingua en calquera oficina. Coa promulgación da nova Constitución, o suahili é unha das dúas linguas oficiais de Kenya.

Fonte: The Standard

A enquisa realizada en liña mostra que o 57 % das persoas maiores de 20 anos non cre que usar o inglés como lingua oficial do traballo sexa unha boa idea, mentres que o 43 % manifestou o seu apoio a esta iniciativa.

Fonte: The Mainichi Daily News

O conselleiro das Comunidades Portuguesas, Pedro Rupio, anunciou que vai comezar unha campaña de promoción do ensino do portugués en Bélxica, co obxectivo de inverter a tendencia anual de diminución do número de alumnos.

Fonte: Observatório do Algarve