Os usuarios de Yandex, o principal buscador por internet de Rusia, poderán a partir de agora realizar as súas consultas tamén en lingua tártara, anunciou a compañía nun comunicado.

Fonte: ABC

O Goberno federal e o Fondo das Nacións Unidas para a Infancia (UNICEF) traballarán para difundir en linguas indíxenas os dereitos dos nenos, nenas e adolescentes relacionados coa saúde e a educación.

Fonte: SDP Noticias

A Comisión Europea propuxo un réxime lingüístico común que simplifique o sistema de patentes na UE e facilite a tradución ás linguas comunitarias, pero que incluirá unicamente as tres linguas de traballo da UE -inglés, francés e alemán-, pese a que inicialmente o comisario de Mercado Interior, Michel Barnier, barallou a posibilidade de contar tamén co español.

Fonte: Finanzas

O Instituto Camões e o King's College of London (KCL), unha das principais universidades británicas, asinaron un protocolo de cooperación para a creación dun Centro de Estudos en Lingua e Cultura Portuguesas (CELCP).

Fonte: Sapo

Lingüistas e antropólogos publicaron en Venezuela o primeiro dicionario bilingüe yanomami-español, con informacións complementarias sobre botánica e diversas ramas da zooloxía no idioma desa comunidade indíxena.

Fonte: Prensa Latina

Científicos do Laboratorio de Informática e Intelixencia Artificial do MIT e da Universidade do Sur de California desenvolveron un programa que axudará a descifrar linguas hoxe extintas, e podería así mesmo axudar na tradución automática de linguas vivas.

Fonte: La Información

A campaña Fala Mandarín volve pola 31.ª vez, centrada outra vez en promover a lingua a través da cultura. Isto inclúe o retorno do seu conxunto de anuncios publicitarios na televisión que mostran a nenos de distintas razas falando mandarín para poñer de relevo o amplo alcance desta lingua.

Fonte: Channel New Asia

Os estudantes surafricanos poderán aprender na súa primeira lingua durante os primeiros anos de escola segundo un novo plan do Goberno. Esta medida foi ben acollida no país.

Fonte: CBSNews

Nunha iniciativa que forma parte dun convenio asinado polo Ministerio de Educación, en 40 centros da rexión de Bío-Bío impartiranse clases de mapuche, o que beneficiará a máis de 4.000 nenos.

Fonte: Bío Bío

O grupo de traballo Dominios Europeos Culturais e Lingüísticos presentou na sede de Bruxelas do Parlamento Europeo o dominio .cat como un exemplo para outras comunidades culturais e lingüísticas como a bretoa (.bzh), a galesa (.cym), a vasca (.eus), a galega (.gal) e a escocesa (.scot).

Fonte: Directe