O inglés é a segunda lingua de Europa, pois dous terzos da poboación do continente saben falala, segundo unha enquisa. O estudo determinou que o inglés é a primeira lingua estranxeira estudada nas escolas secundarias de todos os países, agás Gran Bretaña e Irlanda.

Fonte: Telegraph

En plena etapa de rápida extinción de linguas, cando se estima que desaparece unha lingua cada dúas semanas, os lingüistas atoparon un pequeno raio de esperanza: unha lingua antes descoñecida para a ciencia no nordeste da India.

Fonte: USA TODAY

Uns 3.500 nenos de primeiro e segundo grao de primaria indíxena reciben clases de lingua maia como materia regular, polo que a capacitación dos seus mestres será reforzada bimestralmente durante todo o ciclo 2010-2011.

Fonte: La Crónica de Hoy

Os ministros introduciron máis de 100 cambios a unha medida proposta ou lei do galés sobre a lingua galesa. Afirman que as emendas lle darán a esta lingua un estatus igual que o do inglés e que obrigaría as empresas e institucións públicas a aumentar o uso do galés.

Fonte: BBC

O Centro Vasco de Cognición, Cerebro e Linguaxe, con sede en San Sebastián, revela que a actividade cerebral que se realiza ao pensar en dúas linguas podería retardar a aparición de doenzas neurodexenerativas como o Alzheimer.

Fonte: EITB

Corea do Sur vai desenvolver un novo exame para avaliar o coñecemento da lingua coreana dos estudantes estranxeiros e expatriados co fin de responder ás demandas do rápido aumento de persoas que buscan formación e emprego no país.

Fonte: Bernama

O Ministerio de Educación de Tailandia proxecta declarar o inglés como a segunda lingua para o ensino e a aprendizaxe nas escolas co fin de permitir que os tailandeses da nova xeración poidan comunicarse con outras persoas de Asia e do resto do mundo en inglés.

Fonte: Bangkok Post

A Cámara de Senadores de Paraguai aprobou un proxecto de lei de linguas que busca desenvolver unha política lingüística e consolidar a pluriculturalidade e o bilingüismo castelán-guaraní.

Fonte: Prensa Latina

O Servizo de Política Lingüística do Goberno de Andorra asinou un acordo de colaboración cos grandes almacéns para mellorar a atención dos clientes en catalán. O convenio ten como obxectivo inverter unha situación que, segundo o último indicador lingüístico, é claramente negativa en canto á atención aos clientes en catalán.

Fonte: Govern d'Andorra

Ruanda precisa cerca de 1.000 profesores de inglés para que o país poida realizar o cambio do francés ao inglés como lingua de ensino nas escolas. Ruanda busca profesores de Uganda e doutros países veciños para apoiar o seu cambio ao inglés.

Fonte: The New Vision