Investigadores da Facultade de Lingüística, Filoloxía e Fonética da Universidade de Oxford descubriron a lingua e o doutor Suriel Mofu foi a Indonesia en outubro para gravar e documentar o idioma. Trátase das tres últimas persoas que falan dusner, unha antiga lingua utilizada nunha remota aldea de pescadores na selva de Papúa, unha illa indonesia.

Fonte: Telegraph

O Ministerio de Educación de Malaisia ten como obxectivo formar a 10 000 profesores de inglés en 2011 para aumentar a súa competencia á hora de ensinar a materia.

Fonte: Free Malaysia Today

Unha academia de linguas da Universidade de Estambul está a organizar os únicos cursos de armenio no nivel postsecundario no marco dun esforzo para mellorar o diálogo rexional entre os empresarios e os profesores universitarios.

Fonte: Hurriyet Daily News

Desde o seu lanzamento hai agora un ano, Sermersooq.dk recibiu máis de 10 000 visitantes. A páxina web ofrece cursos para principiantes de dinamarqués-groenlandés e groenlandés-dinamarqués que a partir de agora estarán dispoñibles gratuitamente para todo o mundo.

Fonte: IceNews

Nun esforzo por facer máis accesible a información, os gobernos, en colaboración coa Asociación de Xordos de Fixi, incorporaron un intérprete de lingua de signos nos seus telexornais Fiji Today, que se emiten á noite en Mai TV.

Fonte: Radio Fiji

Os falantes de amárico teñen acceso agora a unha maior variedade de software na súa propia lingua. O amárico é a lingua nacional de Etiopía, onde conta con 21 millóns de falantes nativos; ademais, tamén é falado en comunidades de emigrantes en todo o mundo.

Fonte: New Business Ethiopia

Aprender francés deixará de ser obrigatorio para os alumnos de centros públicos de Calgary. A Mesa da Educación de Calgary determinou facer optativo o francés no ensino secundario e deixa as escolas de educación primaria decidir individualmente se o francés se ofrecerá entre o cuarto e o sexto cursos.

Fonte: Edmonton Journal

A Comisión para a Terminoloxía Científica e Técnica é un organismo oficial creado hai 50 anos que ten como obxectivo buscar ou crear palabras en hindi e outras linguas indias que expresen o significado da gran cantidade de novos termos técnicos en inglés.

Fonte: The National

O Goberno de Ghana comprométese a garantir o desenvolvemento das linguas locais para promover a cultura para o desenvolvemento nacional.

Fonte: GhanaWeb

Brasil considera o Instituto Cervantes un "modelo de difusión" dunha lingua e podería basear os seus plans de promoción do portugués nesa experiencia co español, afirmou o director de Relacións Internacionais do Ministerio de Cultura deste país, Marcelo Dantas.

Fonte: Canal Patrimonio