A Lei da lingua, que se está a desenvolver, establecerá a conservación do acerbaixano. O presidente de Acerbaixán, Ilham Aliyev, dixo que é fundamental protexer a lingua materna da influencia exterior.

Fonte: News.Az

A viceministra de Educación, Formación Permanente e Asuntos Relixiosos de Grecia, Fofi Gennimata, informou o Parlamento da introdución da lingua grega no currículo australiano. A incorporación do grego entre as 11 linguas prioritarias apoiadas polo Goberno de Australia atópase nestes momentos en fase de consulta.

Fonte: Greek Reporter

Unha asociación que defende os dereitos dos francófonos belgas que residen na comunidade neerlandófona de Flandes anunciou que presentou unha querela ante o Consello de Dereitos Humanos de Nacións Unidas por "violación dos dereitos humanos" en detrimento dos seus intereses.

Fonte: El Universal

A Secretaría de Cultura de Quintana Roo puxo en marcha a organización de diversos actos e programas que permitan recompilar, preservar e divulgar a lingua e cultura maias, segundo informou Ramón Patrón García.

Fonte: Yucatán

A Unión Europea (UE) ten previsto abrir un debate sobre a posibilidade de adoptar o inglés como idioma único para mellorar a coordinación entre as forzas armadas dos Estados membros.

Fonte: Diario Sur

A Festa das Linguas ten como obxectivo celebrar a diversidade cultural de Colombia e promover as obras literarias en diversos dialectos indíxenas no marco da Feira do Libro de Bogotá entre o 4 e o 16 de maio.

Fonte: People's Daily Online

Os inmigrantes de fóra de Europa que queiran seguir vivindo na Illa de Man deberán cumprir cos requisitos de coñecemento do inglés. Os solicitantes poden demostrar a súa capacidade para falar inglés mediante un exame nun centro examinador oficial, sendo nacional dun país de fala inglesa ou a través dunha licenciatura ou equivalente do Reino Unido cursada en inglés.

Fonte: Energy FM

O presidente de Nixeria, Goodluck Jonathan, reiterou o compromiso da súa administración de garantir a preservación das linguas indíxenas do país e asegurou que a lingua é o vehículo do desenvolvemento, así como o instrumento para a integración nacional e as relacións internacionais.

Fonte: Compass

O Instituto Portugués do Oriente (Ipor) puxo á venda en Macau o primeiro de dez manuais de ensino da lingua portuguesa que seguen o acordo ortográfico e o marco común de referencia para as linguas europeas.

Fonte: Lusa

A lingua xaponesa, cuxa orixe é obxecto de debate entre os especialistas, non naceu no arquipélago senón que é resultado da migración de agricultores procedentes da península coreana, segundo un estudo baseado na xenética.

Fonte: AFP