Un proxecto lingüístico levado a cabo en Estados Unidos traballa na elaboración dunha base de datos do idioma yuracaré para documentalo, co obxectivo de servir de ferramenta académica ou social.

Fonte: Los Tiempos

As linguas nativas do país poderán levar a súa cultura a un nivel virtual con Wikimedia México, unha división para o país da fundación internacional Wikimedia, responsable da enciclopedia en liña Wikipedia.

Fonte: CNN México

Foron un total de seis os acordos asinados en Rabat para o ensino da lingua e da cultura tamazight aos fillos dos marroquís que residen no estranxeiro.

Fonte: Aufait Maroc

Os expertos en linguas reunidos nun congreso en Abidjan defenden un emprego da diversidade lingüística en beneficio da cohesión social en Costa de Marfil.

Fonte: Afriquinfos

Oliver Paasch e Marie-Dominique Simonet, ministros da Comunidade Xermanófona e da Federación Valonia-Bruxelas de Ensino, confirmaron o seu desexo de intensificar a súa colaboración para promover o bilingüismo.

Fonte: Le Vif

O presidente da República, Malam Bacai Sanha, defendeu a necesidade da institucionalización da lingua Portuguesa como idioma de traballo na Unión Económica e Monetaria de África do Oeste (UEMOA).

Fonte: Jornal Digital

A partir do curso escolar 2013-2014, os alumnos flamengos deberán aprender obrigatoriamente inglés como terceira lingua, despois do francés.

Fonte: Express

Cada vez menos empregada, a lingua francesa deixa lugar ao wolof, que se impón nas empresas, as escolas ou os debates políticos.

Fonte: Jeune Afrique

O director de formación da Dirección Xeral de Educación Indíxena (DGEI), Edgar Sierra Soler, informou de que, de todo o país, só as linguas maia e náhuatl dan mostras de franca recuperación e inserción na sociedade.

Fonte: SIPSE

A Secretaría de Educación informou de que en total se entregarán 78.000 libros de texto escritos en lingua tepehuán, guarojío, pima e rarámuri para facilitar o proceso de alfabetización de case vinte mil nenos indíxenas que viven no estado.

Fonte: Diario