Mundo

O Goberno de Hong Kong baixa os estándares lingüísticos para acceder a postos públicos

O Goberno da Rexión Administrativa Especial de Hong Kong acaba de baixar os estándares lingüísticos en lingua chinesa para facilitar o acceso a 22 tipos de postos de funcionariado público.

Fonte: Staffing Industry Analysts

O Goberno de Columbia Británica destinará axudas á preservación das súas linguas indíxenas

O Goberno da provincia canadense de Columbia Británica, na costa oeste do país, anunciou que destinará fondos públicos para a preservación e documentación das súas linguas indíxenas.

Fonte: The Tyee

Unha iniciativa cidadá pola salvagarda das minorías lingüísticas en Europa está a piques de chegar ao millón de sinaturas

A iniciativa cidadá "Minority SafePack" que defende a salvagarda das minorías culturais e lingüísticas de Europa vai polo camiño de chegar ao millón de sinaturas para poder trasladar a súa causa á Comisión Europea.

Fonte: Galicia Confidencial

Un partido populista quere que o alemán pase a ser considerado idioma nacional na Alemaña

O partido populista de dereitas Alternativa para a Alemaña (AfD, polas súas siglas en alemán) quere aprobar unha lei que fixe o alemán como lingua nacional coa intención de protexelo da irrupción e implantación de palabras anglófonas.

Fonte: Deutsche Welle

Un estudo revela que aprender unha segunda lingua podería ser beneficioso para as persoas autistas

Un estudo desenvolvido na Universidade McGill, no Canadá, revelou que as nenas e os nenos autistas poderían atopar beneficios na aprendizaxe dunha segunda lingua.

Fonte: Crescer

O Brasil celebra a Semana da Lingua Alemá

Diferentes iniciativas culturais porán en valor a lingua e cultura alemás no Brasil na Semana da Lingua Alemá, evento organizado polas embaixadas de Austria, Alemaña, Luxemburgo, Suíza e Bélxica.

Fonte: Terra

O presidente de Macedonia volve rexeitar a lei que fortalece a lingua albanesa

O presidente de Macedonia, Gjorge Ivanov, rexeita por segunda vez asinar a lei que amplía o uso oficial da lingua albanesa, ratificada dúas veces polo Parlamento do país balcánico.

Fonte: Radio Free Europe-Radio Liberty

O Instituto de Investigación Económica e Social de Irlanda alerta da necesidade de abrir novas escolas de inmersión en gaélico

O Instituto de Investigación Económica e Social da República de Irlanda revelou que a apertura de máis escolas de inmersión en gaélico irlandés axudaría a revitalizar a lingua vernácula.

Fonte: Irish Times

Un escritor estadounidense lamenta que o inglés sexa a única vía de divulgar autores non anglófonos

O escritor estadounidense e biógrafo da célebre escritora brasileira Clarice Lispector declarou no Festival Literario de Madeira que é negativo que a única vía de espallar a obra de autores non anglófonos sexa por medio da tradución cara á lingua inglesa.

Fonte: Correio da Manha

Unha escola de linguas en liña que emprega persoas refuxiadas para as súas clases gaña un importante premio

A escola de linguas en liña Chatterbox recibiu o premio Next Billion Edtech polo seu proxecto innovador que consiste en empregar persoas refuxiadas como docentes.

Fonte: BT

Boletín

Subscríbase ao boletín

Logo Feder