Mundo

Un xuíz négalle a un cidadán irlandés a posibilidade de asistir ao seu xuízo completamente en gaélico

Un xuíz da República de Irlanda negoulle a un cidadán irlandés que quería realizar o seu proceso xudicial completamente en gaélico a transferencia do seu caso a un tribunal competente para acoller a súa demanda.

Fonte: Irish Times

O Parlamento de Romanía institucionaliza o Día da Lingua Yiddish

O Parlamento de Romanía aprobou por unanimidade dedicar o 30 de maio ao Día da Lingua e Teatro Yiddish. A iniciativa servirá para promover a lingua e cultura yiddish en todo o país.

Fonte: JTA

Xapón instala os primeiros teléfonos públicos en lingua de signos

Xapón instalou no aeroporto de Haneda, na cidade de Tokyo, os primeiros teléfonos públicos capaces de comunicar por medio da lingua de signos.

Fonte: The Japan Times

O ruso rexistra as notas máis altas nas escolas públicas de Lituania

De acordo coa revista lituana Reitingai, de todas as linguas ensinadas nas escolas lituanas, o ruso rexistra os maiores índices de competencia por parte do alumnado. Nas 50 mellores escolas do país báltico, a nota media foi 87,06 puntos dun total de 100.

Fonte: TASS

O Parlamento do Canadá quere ofrecer máis servizos de interpretación en linguas indíxenas

A Cámara dos Comúns do Parlamento do Canadá quere destinar máis servizos de tradución oral en linguas indíxenas como o cree e o ojibwe.

Fonte: CBC News

Cada vez máis habitantes de Singapur mostran interese polas linguas vernáculas

A pesar das políticas que impuxeron o uso e a aprendizaxe do inglés e o chinés mandarín en Singapur, cada vez máis singapurenses mostran interese por reconectarse coas súas orixes e aprender linguas vernáculas como o kristang ou o hokkien.

Fonte: Today Online

A ISO recoñece a lingua montenegrina

A Organización Internacional para a Estandarización, coñecida popularmente como ISO, acaba de recoñecer internacionalmente a lingua montenegrina como idioma separado do serbio.

Fonte: Balkan Insight

Os Países Baixos pediranlles aos inmigrantes asistir a clases de neerlandés desde a chegada ao país

O Goberno dos Países Baixos quere revisar as políticas de integración de inmigrantes e imporá a necesidade de que estes aprendan neerlandés desde o momento da súa chegada.

Fonte: Dutch News

A Universidade de Bangor desenvolverá unha voz sintética en galés para persoas que perdan a capacidade da fala

A Unidade de Tecnoloxías da Lingua da Universidade de Bangor, no norte de Gales, desenvolveu un programa que permitirá crear unha voz sintética en lingua galesa para aqueles falantes que perdan a capacidade de falar por mor dunha enfermidade.

Fonte: Daily Post

O ministro de Educación de Ucraína ofrece tres vías para aplicar a lei de lingua de instrución no ensino

O ministro de Educación de Ucraína revelou as tres vías que se poderán seguir para aplicar a lei sobre a lingua de instrución no ensino. Estas tres opcións incorporan o ensino en ucraíno mais con matices en función da lingua do alumnado e a realidade sociolingüística do centro educativo.

Fonte: Unian

Boletín

Subscríbase ao boletín

Logo Feder