Mundo

O municipio raiano de Chaves conmemora os 530 anos do primeiro libro impreso en portugués

O municipio portugués de Chaves, limítrofe coas terras de Monterrei en Ourense, conmemorará os 530 anos do primeiro libro publicado en portugués, o Sacramental, publicado en 1488.

Fonte: Notícias de Vila Real

O Ministerio de Educación de Italia introducirá o ensino opcional do esloveno nas escolas públicas

O Ministerio de Educación de Italia anunciou que o esloveno poderá escollerse como segunda lingua estranxeira nas escolas de Trieste, na rexión de Friúl-Venecia Xulia.

Fonte: Repubblica

A Academia da Lingua Italiana lamenta a crecente incorporación de termos anglófonos na lingua de Dante

A Accademia della Crusca, a institución máis importante de defensa da lingua italiana, emitiu un comunicado criticando o uso consentido e crecente de palabras anglófonas no material do Ministerio de Educación de Italia.

Fonte: The Telegraph

Austria abre as súas oficinas consulares aos surtiroleses de fala alemá e ladina

O Goberno de Austria informou de que abrirá as súas oficinas consulares no estranxeiro aos surtiroleses italianos que falen alemán ou ladino, mesmo se existe representación italiana no lugar onde se atopen.

Fonte: L’Adige

Timor Leste realizaralles probas de linguas ás persoas que queiran optar á nacionalidade timorense

O Goberno de Timor Leste e a Universidade Nacional Timor Lorosa’e (UNTL) asinaron un acordo de cooperación para realizarlles probas de portugués e tetún ás persoas que queiran optar á nacionalidade.

Fonte: Sapo 24

Mozambique quere introducir o ensino das linguas vernáculas nas escolas

O Goberno mozambicano, académicos e especialistas do ámbito da educación mostraron a súa pretensión de introducir as 23 linguas vernáculas do país africano no ensino oficial.

Fonte: Deutsche Welle

O estado brasileiro do Paraná regulamentará a instrución en linguas indíxenas

A Secretaría de Estado da Educación do Paraná, Brasil, regulamentará a oferta curricular nas escolas públicas nas comunidades indíxenas. En total, 14 comunidades terán catro horas semanais nas súas correspondentes linguas indíxenas.

Fonte: Bonde News

O alumnado de secundaria de Washington mostra resultados insuficientes en linguas estranxeiras

O alumnado dos centros de ensino secundario do estado norteamericano de Washington precisa seguir avanzando na aprendizaxe de linguas estranxeiras para adaptarse aos novos requisitos de acceso universitario. A partir de 2019, os escolares de ensino secundario precisarán cursar un mínimo de dous créditos en linguas estranxeiras para poder conseguir o título e acceder á universidade.

Fonte: Q13 FOX

Un home é represaliado por demandar servizos na lingua tártara en Tatarstán

Un home da República de Tatarstán que presentou unha queixa para demandar ser atendido na lingua tártara é represaliado por un delito de incitación ao odio.

Fonte: Radio Free Europe/Radio Liberty

Nace un novo sitio web para fomentar o uso do francés en Quebec

Un conxunto de escolas anglófonas de Quebec uniuse para lanzar o sitio web "Accent Québec" que pretende fomentar o uso e a fluidez en francés dos escolares que reciben o ensino en inglés.

Fonte: Montreal Gazette

Boletín

Subscríbase ao boletín

Logo Feder