Mundo

O mundo celebra o Día da Lingua Portuguesa e da Cultura da CPLP

Unhas 180 iniciativas culturais terán lugar en 57 países de todo o mundo para celebrar o Día da Lingua Portuguesa e da Cultura da Comunidade de Países de Lingua Portuguesa (CPLP).

Fonte: Público

Un estudo científico revela a idade máis recomendable para a aprendizaxe dunha segunda lingua

Un estudo publicado na revista Cognition revelou que os primeiros dez anos de vida son os máis propicios para que as nenas e os nenos poidan conseguir no futuro o mesmo nivel de fluidez que un nativo.

Fonte: Newsweek

Indonesia introducirá a obrigatoriedade de falar indonesio para traballar no país

O Ministerio de Traballo de Indonesia quere reintroducir a norma que obriga as persoas estranxeiras a falaren indonesio para poder traballar no país asiático.

Fonte: The Jakarta Post

Sacerdotes lusófonos queren que o portugués se converta en lingua oficial no Sínodo dos Bispos

Un grupo de sacerdotes e bispos lusófonos avoga pola oficialización da lingua portuguesa nos sínodos dos bispos no Vaticano.

Fonte: Diário de Notícias

As pequenas empresas de Gales poderán acollerse a un servizo gratuíto para traducir información comercial

O Goberno do País de Gales aprobou unha nova norma que lles permitirá ás empresas de pequeno tamaño acollerse a axudas para traduciren contidos como carteis, menús ou mensaxes en redes sociais.

Fonte: Daily Post

A UE non diminuirá o uso do inglés na súa documentación oficial tras o Brexit

Tal e como se desprende dos orzamentos para o período 2021-2027, a UE non ten a intención de reducir o uso do inglés nas súas reunións e documentación unha vez que o Reino Unido abandone a Unión.

Fonte: The Guardian

Un grupo de expertos opina que o portugués aínda é considerada unha lingua periférica

Un grupo de especialistas do Encontro de Profesores de Lingua Portuguesa, celebrado en Barcelona, estableceu que o portugués aínda é considerado maioritariamente unha lingua periférica alén das fronteiras de Portugal, incluso en países como España.

Fonte: Folha de São Paulo

Demandan que o Goberno de Exipto inclúa o ensino da lingua nubia no currículo oficial

O escritor sudanés Abdel Aal Hemat demandoulles ás autoridades de Exipto que inclúan o ensino da lingua nubia no currículo oficial xa que forma parte do legado histórico das culturas do Sudán e Exipto.

Fonte: Egypt Today

O secretario xeral da ONU subliña a importancia do portugués no mundo

O secretario xeral das Nacións Unidas, António Guterres, prometeu reforzar o portugués como lingua global e loitar contra a uniformidade cultural e lingüística do mundo actual.

Fonte: RTP

Unha escola de Escocia promove o ensino do chinés entre o alumnado de primaria

Unha escola de Aberdeen, en Escocia, creará un centro de ensino de chinés que promoverá a aprendizaxe desta lingua entre os escolares de primaria e que contribuirá a acadar os obxectivos establecidos polo Goberno de Escocia para que todo o alumnado do ensino público poida estudar dúas linguas diferentes ao seu idioma materno antes de 2020.

Fonte: Evening Express

Boletín

Subscríbase ao boletín

Logo Feder