Mundo

Un informe revela que as linguas nativas de Alasca poden desaparecer antes de que remate o século

Un informe elaborado por unha comisión do estado norteamericano de Alasca (EUA) revelou que, se non se toman medidas urxentes, as súas linguas vernáculas poden desaparecer antes de finais do século.

Fonte: Xinhua

Un informe revela que o irlandés é insignificante nas estacións de radio da República de Irlanda

Un estudo revela que a presenza do gaélico irlandés nas estacións de radio da República de Irlanda é insignificante, a pesar de que existe a obriga legal de incluír espazos nesta lingua.

Fonte: Irish Examiner

Un de cada cinco británicos quere aprender unha lingua estranxeira

De acordo cun estudo realizado polo British Council, un de cada cinco británicos ten pensado estudar unha lingua estranxeira ao longo deste ano. O español figura como lingua de preferencia, seguida do francés, italiano e alemán.

Fonte: Language Magazine

Unha universidade de Dublín publica un curso de lingua gaélica destinado a emigrantes irlandeses no estranxeiro

O curso "Irlandés 101" da Universidade Cidade de Dublín destínase á comunidade de emigrantes irlandeses e versará sobre aspectos lingüísticos, culturais e literarios para principiantes.

Fonte: Irish Times

O Brasil garda un tesouro lingüístico que está desaparecendo no Xapón, o seu lugar de orixe

O estado brasileiro de São Paulo aínda conserva falantes dunha lingua orixinaria do Xapón, concretamente da provincia de Okinawa. O idioma foi levado por emigrantes desta rexión nipoa ao Brasil e está en perigo no seu lugar de orixe.

Fonte: BBC Brasil

Asínase un acordo nos EUA para o ensino regrado da lingua portuguesa

O Instituto Camões asina un acordo co Consello Americano para o ensino internacional para cooperar en todo aquilo que ten que ver coa aprendizaxe da lingua e cultura portuguesas.

Fonte: RTP

Macedonia pediralle á Comisión de Venecia do Consello de Europa que emita un ditame sobre a súa lei de linguas

O Goberno de Macedonia enviaralle a súa polémica lei sobre linguas oficiais á Comisión de Venecia do Consello de Europa, órgano consultivo no ámbito do dereito constitucional.

Fonte: Xinhuanet

A Comisión de Venecia emite un ditame sobre a lingua de instrución na comunidade húngara de Ucraína

A Comisión de Venecia do Consello de Europa emitiu un ditame que rexeita a declaración do Goberno de Hungría de poder empregar exclusivamente o húngaro no ensino público de Ucraína en zonas de minoría húngara.

Fonte: Interfax

Os estudantes que falan inglés como lingua adicional no Reino Unido mostran mellores resultados académicos

O Ministerio de Educación do Reino Unido revelou que o alumnado británico que ten o inglés como lingua adicional mostra en xeral mellores resultados académicos que aqueles que o teñen como idioma materno.

Fonte: Quartz

A BBC lanza novos servizos de noticias en linguas africanas

A BBC acaba de lanzar un novo sitio de noticias radiofónicas en tres novas linguas africanas (amhárico, oromo e tigriña) e un servizo para a aprendizaxe do inglés en Etiopía e Eritrea.

Fonte: Modern Ghana

Boletín

Subscríbase ao boletín

Logo Feder