Mundo

Varios estudos revelan as semellanzas entre os paxaros e os humanos na adquisición de sons para a fala

Varios estudos de diferentes universidades estranxeiras revelaron que as zonas do cerebro dos paxaros que se ocupan da produción dos sons son moi similares ás dos seres humanos.

Fonte: Scientific American

O Goberno de Theresa May está considerando ofrecer as probas de cidadanía en córnico

Fontes do Goberno de Theresa May anunciaron que se está considerando que o exame de cidadanía británica poida ofrecerse a partir de agora en lingua córnica.

Fonte: Cornwall Life

Publícase un dicionario da lingua da cidade brasileira de Belo Horizonte

Con motivo da celebración dos 120 anos de Belo Horizonte, capital do estado de Minas Gerais, acaba de publicarse un dicionario que reúne palabras e conceptos propios do portugués desta cidade.

Fonte: UAI

Un concurso premiará obras escritas en portugués por autores lusófonos de todo o mundo

O premio Océanos de Literatura en Lingua Portuguesa, organizado no Brasil por Itaú Cultural, está dirixido a autores lusófonos de calquera lugar do mundo. Poderán presentarse obras de diferentes xéneros literarios que foran publicadas por primeira vez en 2017.

Fonte: O Globo

Un estudo revela que o xeito de empregar as palabras dunha lingua pode indicar o estado anímico de quen a fala

Un estudo elaborado na Universidade de Reading revelou que o uso que facemos de certas palabras ou a intensidade ao pronuncialas poderían indicar o estado anímico ou psicolóxico das persoas.

Fonte: Teen Vogue

Un grupo de lingüistas descobre unha lingua descoñecida en Malaisia

Un grupo de lingüistas da Universidade de Lund, en Suecia, atopou unha lingua indocumentada en Malaisia, coñecida co nome de jedek, que é falada por tan só 280 persoas.

Fonte: SCI News

A nova lei educativa de Luxemburgo incluirá novas opcións para a aprendizaxe de linguas

O ministro de Educación de Luxemburgo, Claude Meisch, anunciou as novidades da nova lei de educación do Gran Ducado que incluirá, entre outras cousas, a opción de que o alumnado escolla entre dous niveis de lingua francesa e alemá.

Fonte: Delano

Unha iniciativa popular busca o apoio da Unión Europea para protexer as minorías lingüísticas

A Unión Federal de Nacionalidades Europeas (FUEN) presentou unha iniciativa a nivel continental que pretende conseguir o compromiso da Unión Europea na protección dos dereitos lingüísticos das minorías de Europa.

Fonte: Sermos Galiza

O presidente de Francia rexeita que o corso poida ser declarado oficial

O presidente da República de Francia defendeu que se poida facer unha mención especial a Córsega na Constitución, mais rexeitou que o corso poida ser declarado lingua cooficial.

Fonte: Le Parisien

Cabo Verde quere recoñecer a oficialidade da lingua caboverdiana

O Instituto do Patrimonio Cultural (IPC) do Ministerio de Cultura de Cabo Verde quere que o novo marco constitucional recolla a oficialización da lingua caboverdiana para poder incluíla no patrimonio inmaterial nacional.

Fonte: Expresso das Ilhas

Boletín

Subscríbase ao boletín

Logo Feder