A Rith ("carreira", en irlandés) é unha carreira de dez días que se celebra entre o 8 e o 17 de marzo por 200 cidades e vilas de Irlanda (tanto da República como de Irlanda do Norte). Segundo os organizadores, o obxectivo é "celebrar a lingua e cultura irlandesas dunha maneira visual, divertida e baseada na comunidade" e "recadar diñeiro para crear un novo fondo para promover a lingua".

Fonte: Nationalia

O Consello de Ministros di agora que só se aceptou unha proposición de lei sobre a ratificación da Carta Europea das Linguas Rexionais ou Minoritarias despois de que se anunciase a súa aprobación. O asunto aínda ten que tratarse no Parlamento. Unha organización sarda pide a Roma que axilice a aprobación do texto "polo interese da democracia e o respecto aos dereitos civís".

Fonte: Nationalia

O hindi, a lingua máis falada na India, dobrará ata os 20 millóns o número de persoas que o falarán no estranxeiro nos próximos dez anos.

Fonte: ABC

Só un 12 % dos membros dos pobos orixinarios de Chile fala e entende as súas linguas, cifra que diminúe anualmente o que podería significar a desaparición dalgunhas destas linguas de aquí ao ano 2030. Para evitar isto, o Goberno chileno iniciou un programa educativo especial de rescate das linguas indíxenas.

Fonte: Radio Uchile

O viceministro chinés de Educación, Hao Ping, desafiou a Universidade de Lisboa a duplicar nos próximos anos o ensino de portugués na China.

Fonte: Público

Dous recentes acontecementos, a agresión por parte dun Garda Civil a un falante de catalán por falar en catalán e o ataque a un neno pertencente a unha minoría nacional polaca por falar en polaco en Vilnius (Lituania), serven para subliñar a necesidade de protexer seriamente as minorías nacionais e lingüísticas europeas fronte á discriminación. O 31 de marzo celebraranse diversas manifestacións a prol dos dereitos lingüísticos básicos dos falantes de linguas "rexionais" nos territorios franceses.

Fonte: Euskara Guipuzkoan

Máis dunha ducia de grupos voluntarios dos arredores da cidade de Nova York ofrece clases para adultos de alfabetización en español co fin de axudar a inmigrantes mexicanos a aprenderen inglés. Os organizadores afirman que a maior parte dos alumnos asistiron á escola só uns anos nos seus países de orixe e nunca aprenderon a ler e escribir. "Non podemos enviar as persoas a clases de inglés se aínda non saben ler nin escribir en español", dixo Gonzalo Mercado, director executivo do Centro do Inmigrante en State Island.

Fonte: New York Daily News

As persoas xordas signantes disporán dunha nova ferramenta que lles facilitará comunicarse, máis ou menos, con outras persoas que non coñecen as linguas de signos.

Fonte: Diario Signo

Un experto na lingua falada de Jersey, Tony Scot-Warren, espera que a tradución do Facebook á lingua nativa da illa poida axudar a revivir a lingua. Facebook está xa dispoñible en 71 linguas e aspira a engadir o dialecto normando da illa (ou "jerriais") a esta lista.

Fonte: BBC

Un comité da Cámara dos Lores británica afirmou que todos os nenos deberían aprender linguas estranxeiras na escola primaria e secundaria. O secretario de Educación do Reino Unido, Michael Gove, é tamén partidario de aprender linguas desde os cinco anos de idade.

Fonte: BBC