A Conferencia Episcopal italiana “examinará en breve” a aprobación do misal en lingua friulana, informou o presidente da provincia italiana de Udine, Pietro Fontanini.

Fonte: MessaggeroVeneto

A Universidade Politécnica de Milán terá o inglés como único idioma oficial das súas clases dos últimos anos da licenciatura e do doutoramento, segundo informou o reitor do centro, Giovanni Azzone.

Fonte: La Voz de Barcelona

Das tres linguas principais que se falan en Nixeria, hausa, igbo e iorubá, as máis ameazadas son as dúas últimas. Unha investigación realizada por Newswatch revelou que, a pesar de que tanto o igbo como o iorubá se ensinan nas escolas e universidades, non todos os pais fan esforzos suficientes para aprendérllelas aos seus fillos.

Fonte: Newswatch

O Brasil está en alza e a lingua portuguesa vai conquistando máis espazo no estranxeiro. Un bo exemplo disto será a Primeira Conferencia de Lingua Portuguesa e Cultura Brasileira que terá lugar na sede das Nacións Unidas.

Fonte: Gazeta News

A ministra de Traballo e Seguridade Social de Barbados, Esther Byer-Suckoo, defendeu que existe unha necesidade imperiosa de que os cidadáns da illa caribeña melloren as súas habilidades lingüísticas.

Fonte: The Barbados Advocate

O ensino da lingua chinesa experimentou nos últimos anos un incremento exponencial en Italia. Na década de 1980, só tres centros universitarios (Roma, Venecia e Nápoles) ofrecían a lingua asiática. Hoxe en día, impártese en 20 facultades e, algunhas reciben centos de matrículas cada ano.

Fonte: Civita News

Mil estudantes asinan unha campaña para demandar o ensino da lingua sarda na Universidade de Sassari (Sardeña). En concreto, reclaman a impartición de dous cursos universitarios (Maxisterio en lingua sarda e Lingua e literatura sardas) que contribuirán á formación de futuros profesores nesta lingua.

Fonte: La Nuova Sardegna

O Tribunal de Apelación de Malaisia ditaminou que a Constitución Federal non prohibe o uso do malaio nos documentos dos tribunais dos estados de Sarawak e Sabah a pesar de que o inglés segue a ser a lingua oficial en todos os trámites xudiciais.

Fonte: Bernama

Un organismo regulador da radiodifusión no Reino Unido, Ofcom, outorgou unha licenza a unha nova estación de radio, Radio Beca, que emitirá principalmente en lingua galesa para unha gran parte do oeste e o centro de Gales.

Fonte: BBC

Case todos os cidadáns novos da República Checa teñen algún coñecemento de inglés hoxe en día, en comparación cos primeiros anos da década de 1990 e as experiencias máis recentes mostran que o coñecemento doutra lingua estranxeira é unha vantaxe no mercado laboral. En función das tendencias marcadas polos negocios, outras linguas de interese para os checos son o español, o ruso e o chinés.

Fonte: Prague Monitor