A Asociación Checa das Rexións e as embaixadas de Alemaña e Austria na República Checa asinaron un acordo de cooperación para a promoción da lingua alemá co fin de pór freo á perda de interese dos cidadáns checos por esta lingua.

Fonte: Prague Daily Monitor

O Departamento de Cultura, Arte e Lecer de Irlanda do Norte realizou a enquisa "Actitudes dos cidadáns cara á lingua irlandesa" que revelou que os habitantes desta zona do Reino Unido deberían ter máis oportunidades para aprender irlandés.

Fonte: U TV

A iniciativa de educación intercultural, única en Chile e que comezou no ano 2011, permitiu o rescate das tradicións ancestrais da Illa de Pascua.

Fonte: La Tercera

A lingua bérber ou amazigh, falada por preto dun terzo dos marroquís, aínda non atopa o seu sitio nas institucións, como acaba de pór de manifesto a turbación causada por unha deputada que a utilizou para unha pregunta parlamentaria.

Fonte: ABC

De acordo coas cifras das Nacións Unidas, o 74,8% das linguas tradicionais do continente africano, así como a súa historia e cultura, están en grave perigo de desaparecer.

Fonte: Noticias y Protagonistas

Google facilitará a comunicación entre persoas de diferentes países co lanzamento dunha ferramenta de tradución automática para os seus usuarios de correo electrónico. A ferramenta, que se engadirá a todas as contas de Gmail, permite cambiar o texto dos correos a 53 linguas diferentes con tan só pulsar un botón.

Fonte: Daily Mail

O Departamento de Lingüística da Universidade de Pensilvania, en Estados Unidos, a través da súa Escola de Artes e Ciencias, aprobou crear un curso específico da ASL (Lingua de Signos Americana/Cultura Xorda).

Fonte: Diario Signo

O español, tras máis de dúas décadas desterrado dos plans de estudo, regresa paulatinamente aos centros de educación secundaria de Filipinas grazas a un programa de formación de profesores autóctonos.

Fonte: ABC

O gobernador de Porto Rico está intentando facer o que máis dun século de cidadanía estadounidense non conseguiu: facer que os portorriqueños falen inglés fluído. O gobernador Luís Fortuno propuxo un ambicioso plan que requirirá que todas as escolas públicas ensinen completamente en inglés en lugar de en español.

Fonte: Associated Press

Univisión News asociouse con ABC News para crear unha nova canle de noticias en inglés, co obxectivo de aproveitar o crecente mercado hispano nos Estados Unidos.

Fonte: Hispanic Business