O goberno jammu e caxemirés decidiu recomendar que o gojri –falado por unhas vinte mil persoas das tribos guijars e bakkarwals no estado– sexa recoñecido como lingua oficial ao incluílo na Constitución.

Fonte: India NY Daily News

O Parlamento da Ucraína aprobou a lei que dá un estatus cooficial ás linguas minoritarias do país nas rexións onde as falan polo menos o 10 % dos seus habitantes, mentres miles de cidadáns se manifestan nas rúas a favor e en contra da medida.

Fonte: ABC

A Biblioteca Pública de Zulia iniciou o curso de wayuunaiki co historiador Román Fernández para a promoción desta lingua ancestral entre a cidadanía.

Fonte: La Verdad

Un centro nacional para a promoción da lingua e a cultura chinesas foi aprobado polo Goberno chinés e será instalado na Universidade Strathclyde. O Instituto Confucio para as Escolas de Escocia ofrecerá apoio aos colexios de Escocia sobre o ensino da lingua e a cultura chinesas.

Fonte: STV

O Ministerio de Relacións Exteriores de Brasil está elaborando un plan de capacitación en idioma chinés para os seus diplomáticos, segundo o que cinco mozos diplomáticos que acaban de ser asignados serán enviados a estudar durante seis meses na Universidade de Lingua e Cultura de Pequín.

Fonte: Spanish People Daily

A organización Man a Man: Cultura Mexicana sen Fronteiras e a Alianza de Linguaxes en Perigo de Extinción buscaron concienciar no Museo de El Barrio os cidadáns de Nova York sobre a diversidade de linguas que se falan en México.

Fonte: Radio Fórmula

O inglés substituirá progresivamente o español como lingua do sistema educativo público de Porto Rico, nun plan que se desenvolverá nos próximos 10 anos, explicou o secretario de Educación da illa, Edward Moreno Alonso.

Fonte: La Voz de Galicia

Tras concluír a súa etapa de capacitación, o Ministerio de Cultura de Perú certificou a 30 intérpretes de linguas orixinarias para participar nos procesos de consulta previa entre o Goberno e os pobos indíxenas. Os 30 profesionais certificados manexan as seis linguas con maior número de falantes no país.

Fonte: Perú 21

Todos os nenos ingleses aprenderán unha lingua estranxeira desde os sete anos, segundo os novos plans do Goberno.

Fonte: BBC

O consello de ministros de Mozambique ratificou o Acordo Ortográfico da Lingua Portuguesa, tal e como informou o ministro de Asuntos Internacionais e Cooperación, Oldemiro Baloi.

Fonte: Expresso