A celebración da lingua galesa en Cardiff durará unha semana, comezando o sábado 18 de xuño cunha feira da lingua galesa no castelo de Cardiff.

Fonte: Wales Online

Google Inc, o xigante dos motores de busca en internet, creou un sitio web sobre linguas ameazadas co fin de contribuír a salvar as linguas en perigo do mundo. No sitio web endangeredlanguages.com os lectores poderán atopar, compartir e almacenar información sobre variedades lingüísticas que estean ameazadas de extinción.

Fonte: Time

A principal asociación inuit de Canadá prepara un plan para unificar a lingua escrita inuktitut co fin de que poida ensinarse nas escolas. Porén, algunhas voces críticas temen que poidan perderse algúns dialectos.

Fonte: Nationalia

A media europea é de 25 % e Portugal fica por debaixo deste valor: só un 13 % dos portugueses fala correctamente dúas linguas estranxeiras, unha diferenza de dez puntos porcentuais fronte á anterior avaliación en 2006.

Fonte: Público

Segundo un estudo europeo, os alumnos ingleses son os que mostran un peor nivel de linguas estranxeiras en Europa. O ministro británico de Educación, Nick Gibb, comentou a este respecto que "para Inglaterra, unha nación de intercambios comerciais internacionais, o feito de ser os últimos no dominio das linguas estranxeiras é perigoso desde o punto vista económico e social".

Fonte: The Telegraph

A pesar de décadas de integración europea, menos dun de cada dous mozos dos 27 Estados membros fala ben unha lingua estranxeira como para manter unha conversa, declarou o executivo da Unión Europea.

Fonte: The Australian

O Goberno do estado de Rhode Island, nos EUA, elaborou un plan que pretende incrementar o nivel educativo dos estudantes en linguas estranxeiras. O devandito plan quere garantir que os adolescentes que entren no mercado laboral poidan falar con fluidez unha lingua estranxeira de aquí a 2030.

Fonte: The Republic

As "cabinas telefónicas" gratuítas para persoas xordas, que lles permiten pasar chamadas por medio de intérpretes de lingua de signos por videoteléfono, abriron en Lyon e París, despois de Toulouse, onde xa existe unha instalación destas dende hai un ano.

Fonte: Le Parisien

A burocracia lingüística de Quebec enfróntase a numerosas queixas relacionadas co crecente número de negocios que rexeitan engadir aos seus rótulos comerciais unha descrición xenérica en francés.

Fonte: The Gazette

A tradución da carta magna dos colombianos ao palenquero faise en recoñecemento da identidade cultural do primeiro pobo libre de América e é un claro exemplo de inclusión social. O obxectivo do proxecto é que todos os palenqueros coñezan a Constitución, se enriquezan e poidan exercer os seus dereitos.

Fonte: El Universal