Mundo
Os organismos públicos brasileiros terán que traducir os documentos divulgados en lingua estranxeira
A presidenta de Brasil, Dilma Rousseff, sancionou unha lei que regula a publicación de documentos en lingua estranxeira en páxinas de Internet mantidas por organismos públicos. A norma determina que sempre que se divulgue un documento en lingua estranxeira neses medios, debe haber unha versión traducida ao portugués.
Fonte: Olha Direto
Corea do Sur proporcionará formación lingüística a traballadores tailandeses
Tailandia e Corea do Sur xuntaron esforzos para proporcionar formación lingüística aos tailandeses que queiran traballar en Corea do Sur.
Fonte: Bernama
O Goberno de Bolivia promulgou unha lei en defensa das linguas orixinarias do país
O presidente Evo Morales promulgou a Lei xeral de dereitos e políticas lingüísticas, que iguala todos os idiomas de Bolivia.
Fonte: Prensa Latina
Os indíxenas guatemaltecos terán acceso a Facebook na súa lingua
Os indíxenas guatemaltecos kakchiquel terán acceso á rede social Facebook na súa lingua autóctona grazas a unha aplicación desenvolvida por enxeñeiros informáticos estadounidenses.
Fonte: Terra
Retoman un proxecto de lei para converter o inglés na única lingua oficial dos Estados Unidos
Os partidarios da lei din que ter unha lingua oficial aumentaría a unidade e a claridade nacional e aforraría diñeiro.
Fonte: East Valley Tribune
Cinco estudantes irlandeses gañan un premio europeo por unha aplicación para teléfonos intelixentes sobre a lingua de signos
Cinco estudantes irlandeses gañaron o premio á mellor compañía europea do ano cunha aplicación para teléfonos intelixentes que axuda a ensinar a lingua de signos.
Fonte: Irish Times
A Semana da Lingua das Illas Cook destaca a importancia da educación bilingüe en Nova Zelandia
Os actos que compoñen a Semana da Lingua das Illas Cook destacan a importancia das linguas indíxenas e a educación bilingüe en Nova Zelandia.
Fonte: Pacific Scoop
A Asociación dos Comités Nacionais Olímpicos de África adopta o portugués como lingua de traballo
O portugués é, a partir de agora, unha das catro linguas de traballo da Asociación dos Comités Nacionais Olímpicos de África (ACNOA), segundo acordou o organismo en asemblea extraordinaria.
Fonte: Agência Angola Press
Só o 6,6 % da poboación mexicana fala unha lingua indíxena
En México, só o 6,6 % da poboación de tres ou máis anos fala unha lingua indíxena, pero a tendencia estase a perder coas novas xeracións. Máis da metade das linguas indíxenas están moribundas ou tenden a desaparecer porque os maiores xa non llela ensinan ás novas xeracións.
Fonte: Noticieros Televisa
As escolas de Porto Rico serán bilingües o próximo curso
O ano académico en Porto Rico comezará co lanzamento dun proxecto piloto para ensinar algunhas materias en inglés en 32 escolas do país. O obxectivo final é que o programa se estenda a todo o sistema educativo nun prazo de dez anos.
Fonte: Fox News
Boletín
Subscríbase ao boletín
