Mundo
A terceira parte dos habitantes de Iucatán fala algunha lingua indíxena
En Iucatán, a poboación de máis de tres anos que fala maia representa 537 618 habitantes, é dicir, o 98,66 % do total de falantes de linguas indíxenas na entidade.
Fonte: Milenio
Estudantes universitarios realizan por primeira vez en Bolivia teses de licenciatura en linguas orixinarias
Presentáronse en total de 118 traballos de investigación nas tres Universidades Indíxenas de Bolivia (Unibol), o 80 por cento escritos en mojeño, weenhayek, bésiro, guaraní, aimará e quechua; o resto, 20 por cento, en castelán.
Fonte: Spanish.china.org.cn
Descobren a existencia de dous grandes 'superdialectos' do español en Twitter
O primeiro estudo de dialectos do español en Twitter, realizado polo Instituto de Física Interdisciplinar e Sistemas Complexos, Ifisc (CSIC-UIB, España) e da Universidade de Toulon (Francia), revela a existencia de dous 'grandes superdialectos', un compartido en grandes cidades españolas e americanas e outro en zonas rurais.
Fonte: Europa Press
Expertos venezolanos apoian a recuperación da lingua ancestral do pobo indíxena cumanagoto
Expertos do Instituto Venezolano de Investigacións Científicas (IVIC) resaltaron o apoio ao pobo indíxena cumanagoto no rescate da súa lingua ancestral, como parte dun proceso de rexurdimento da súa identidade.
Fonte: Prensa Latina
O 60 % da poboación indíxena mexicana xa non fala a súa lingua materna
A subdirectora de Políticas de Desenvolvemento, Promoción e Divulgación das Linguas do Instituto Nacional de Linguas Indíxenas (Inali), Alejandra Arellano Martínez, afirmou que o 60 % da poboación indíxena no país xa non fala a súa lingua materna.
Fonte: El Universal
Mozambique quere aumentar as horas de ensino de portugués nas escolas primarias
O Ministerio de Educación mozambicano pretende aumentar a carga horaria das clases de lingua portuguesa no primeiro ciclo de Primaria, como parte da promoción da calidade de ensino no país.
Fonte: Sapo Notícias
O Senado Federal do Brasil propón unha nova reforma para a lingua portuguesa
O Senado Federal propuxo novos cambios na lingua portuguesa. O proxecto inclúe, entre outras modificacións, a eliminación da letra "h" no inicio das palabras e da letra "u" en "queijo", por exemplo, ademais da substitución do "ch" por "x".
Fonte: O Povo
Nova York é a cidade que concentra a maior diversidade lingüística no mundo
Centos de linguas e dialectos poden escoitarse en barrios densamente poboados por inmigrantes como Brooklyn e Queens. Un percorrido pola avenida Roosevelt ilustra o colosal mosaico étnico.
Fonte: Televisa
Prexuízos e discriminación deixan o quechua en desuso no Perú
Centenares de peruanos de distintas provincias onde se fala fluidamente o quechua deixan de expresarse na súa lingua de orixe cando migran a cidades como Arequipa para evitar ser maltratados.
Fonte: La República
Os estudantes flamengos teñen cada vez peor nivel de francés
O coñecemento da lingua francesa polos estudantes flamengos no primeiro ano da universidade non foi nunca tan malo.
Fonte: RTL
Boletín
Subscríbase ao boletín