A nova lei que obriga os inmigrantes a realizar exames de ruso para poder traballar en Rusia xa entrou en vigor, informou o Servizo Federal de Migración.

Fonte: Diario Vasco

Unha nova aplicación de vídeo en lingua irlandesa chamada TG Lurgan foi lanzada para presentar vídeos musicais como Gaeilge. A aplicación foi desenvolvida polos creadores da rede social en lingua irlandesa Abair Leat!, lanzada a comezos deste ano.

Fonte: Silicon Republic

O British Council empezou a traballar co departamento de educación do Goberno de Bihar nun proxecto de formación de profesorado que pretende mellorar o ensino do inglés en secundaria de todas as escolas do estado de Bihar.

Fonte: The Times of India

O Instituto Cervantes aproveitará o VI Congreso Internacional da Lingua Española, que se celebrará en Panamá en novembro de 2013, para ultimar a creación dunha rede iberoamericana de centros de formación de profesores de español como lingua estranxeira.

Fonte: La Información

O proxecto Knowledge Graph de Google está agora dispoñible en máis linguas, incluídas o italiano, o francés, o xaponés e o ruso. O proxecto Knowledge Graph, un dos proxectos de investigación máis importantes de Google neste momento, só estaba dispoñible en inglés ata agora.

Fonte: Techcrunch

Esta versión foi unha petición da comunidade xorda cristiá, pois a pesar de poder ler, as persoas con discapacidade auditiva posúen un pensamento ideográfico, apoiado por grafías e imaxes.

Fonte: Protestante Digital

A lingua é a principal barreira para os rapaces non europeos que asisten ao colexio en Malta, segundo o informe que expón a ausencia de políticas que axuden aos pequenos a integrarse.

Fonte: The Times of Malta

O acordo, asinado en 2008 por sete países da Comunidade de Países de Lingua Portuguesa, e que pretende simplificar as regras ortográficas para aumentar o prestixio social do portugués no contexto internacional, entraría en vixencia o 1 de xaneiro de 2013 no Brasil. Porén, a presidenta Dilma Rousseff declarou que vai emitir un decreto adiando a data.

Fonte: D24am

Viaxar a Chipre para aprender inglés pode proporcionarlle ao sector turístico un estímulo moi necesitado neste período de crise económica no país.

Fonte: Cyprus Mail

Investigadores do Centro Sensorial Escocés (Scottish Sensory Centre) da Universidade de Edimburgo (Escocia) desenvolveron un total de 116 novos signos para designar termos científicos en lingua de signos británica.

Fonte: El Economista