Mundo
Publican no Brasil un dicionario co vocabulario do galego-portugués usado na Idade Media
O Vocabulario do Portugués Medieval. Así se chama un estudo en dous volumes con preto de 170 000 palabras usadas nos actuais territorios de Portugal e Galicia na Idade Media que acaba de ser publicado en Río de Janeiro tras 35 anos de investigación.
Fonte: Galicia Confidencial
O galego estréase no Festival de Poesía das Américas que se celebra en Nova York
O galego estréase no Festival de Poesía das Américas (The Americas Poetry Festival) que nesta ocasión se presenta cun formato plurilingüe no que está incluída Galicia.
Fonte: ABC
O Goberno de Myanmar apoia o ensino das linguas indíxenas
O Goberno da Unión de Myanmar destinará unha axuda económica a docentes de linguas minoritarias que constituirá, segundo os líderes locais, un importante incentivo para as culturas e dereitos das minorías étnicas do país.
Fonte: The Irrawaddy
Un importante estudo mostra os cambios que experimentan as linguas
Segundo un estudo publicado pola Royal Society de Londres, as linguas mudan co paso do tempo e a ritmos diferentes. Os científicos descubriron ademais que algunhas reflicten os cambios no mundo que as rodea e que neste proceso inflúen factores universais e históricos.
Fonte: Physics Central
Celébrase no mundo a Semana da Lingua Italiana
A Semana da Lingua Italiana no Mundo é un acontecemento de promoción do italiano como lingua da cultura clásica e contemporánea que a rede cultural e diplomática do Ministerio italiano de Asuntos Exteriores organiza cada ano na terceira semana de outubro sobre un tema que serve de base para a celebración de conferencias, mostras, espectáculos e encontros con escritores e persoeiros da cultura italiana. O tema deste ano é "Escribir a nova Europa: a industria editorial italiana: escritores e lectores na era dixital".
Fonte: Ministero degli Affari Esteri e della Cooperazione Internazionale
O portugués será materia de estudo en dúas escolas de ensino secundario de Noruega
A disciplina de lingua portuguesa será impartida en dúas escolas de ensino secundario de Noruega. O Instituto da Cooperación e da Lingua Portuguesa destaca que esta iniciativa se debe ao esforzo da embaixadora de Portugal en Oslo, Clara Nunes dos Santos, que recibiu o recoñecemento de "embaixadora de linguas estranxeiras" das autoridades norueguesas pola súa acción continuada a prol da promoción do portugués.
Fonte: Mundo Português
Lánzanse oficialmente os novos dominios .cymru e .wales para o País de Gales
Os novos dominios .wales e .cymru foron lanzados oficialmente na Asemblea do País de Gales e un bo número de organizacións e institucións galesas adoptaron xa os seus novos enderezos dixitais.
Fonte: Wales Online
O Goberno de Grecia instituirá un día internacional da lingua e a cultura gregas
Un comité especial de gregos no estranxeiro solicitoulles de xeito unánime aos ministerios gregos de Educación e Cultura que tomen medidas inmediatas para elaborar un decreto presidencial que estableza un día internacional da lingua e a cultura gregas.
Fonte: Greek Reporter
A Universidade de Cabo Verde contará cunha nova cátedra de lingua portuguesa
A presidenta do Instituto Camões, Ana Paula Laborinho, afirmou na cidade caboverdiana de Praia que a Universidade de Cabo Verde introducirá en breve unha cátedra de portugués científico na área da educación e a investigación.
Fonte: Sapo
O ensino das linguas nacionais de Angola está condicionado pola escaseza de profesores
Segundo o ministro de Educación de Angola, Pinda Simão, o ensino das linguas nacionais nos primeiros anos de escolaridade está condicionado polo reducido número de profesores.
Fonte: Agência Angola Press
Boletín
Subscríbase ao boletín