A axencia de noticias Lusa informara de que centros públicos de ensino de Luxemburgo prohibían o uso da lingua portuguesa por parte do alumnado. Ante a preocupación da comunidade portuguesa que vive no país, Portugal pediu esclarecementos a Luxemburgo sobre estas "alegadas prohibicións" e recibiu a "garantía" de que "non é verdade", informou o Ministerio de Asuntos Exteriores portugués.

Fonte: Renascença

Profesores dunha escola do estado de Rondonia (Brasil) concorrerán ao Premio Nacional de Educación en Dereitos Humanos, promovido polo Ministerio de Educación brasileiro, co proxecto "Construción e normativización da lingua paiter suruí".

Fonte: Nortão

Google anunciou a Alianza das Linguas Indias en Internet, un grupo de editores comprometidos coa promoción dos contidos escritos en linguas da India na rede. Google tamén mostrou a súa ferramenta de busca de voz en hindi, o teclado hindi (Google Hindi Input) e lanzou o sitio de contidos en hindi hindiweb.com.

Fonte: The Times of India

O líder laborista na Asemblea de Gales polo Condado de Carmarthenshire, Kevin Madge, declarou que as novas leis de urbanismo deberían incluír cláusulas que velen pola protección da lingua galesa dado que os plans de desenvolvemento urbanístico poden ameazar as comunidades desta lingua.

Fonte: BBC

O Brasil vai expandir o ensino oficial de idiomas alén do inglés e a oferta non se limitará só aos brasileiros. O Ministerio de Educación anunciará en breve o programa "Idiomas sen fronteiras" para axudar os académicos que desexen estudar no exterior e aprender outras linguas.

Fonte: ZH

A conferencia de directores de instrución pública dos cantóns suízos determinou que todos "traballarán para unha solución intercantonal" co fin de favorecer o ensino de dúas linguas estranxeiras na educación primaria.

Fonte: RTS

Un grupo de técnicos angolanos elaborará o Atlas Lingüístico de Angola, informou á axencia Lusa o director xeral do Instituto de Linguas Nacionais do país africano.

Fonte: Observatório da Língua Portuguesa

A antiga ministra de Cultura de Portugal, Isabel Pires de Lima, defendeu en Macau que os países lusófonos deben cooperar no ensino da lingua portuguesa no estranxeiro e alentou a adoptar medidas produtivas para a promoción da lusofonía.

Fonte: Observatório da Língua Portuguesa

Angola pretende harmonizar a escrita das linguas bantú nacionais coas dos restantes países africanos que comparten orixe neste grupo étnico. Porén, as diferenzas fonéticas e gráficas están a dificultar este proceso iniciado en 2002.

Fonte: Notícias ao Minuto

Unha nova lista de idiomas "ameazados" inclúe catro linguas das illas Británicas cuxo número de falantes está caendo de maneira preocupante. As linguas en cuestión son o inglés de Jersey, o francés de Guernsey, o manés e o córnico.

Fonte: The Independent