Os investimentos chineses en Serbia fixeron que cada vez máis e máis nenos serbios se interesen pola lingua chinesa nas escolas.

Fonte: CRI English

Os docentes peruanos do nivel inicial, primaria e secundaria de Educación Intercultural Bilingüe serán avaliados no dominio de lingua quechua (oral e escrito).

Fonte: Diario Correo

Wikipedia, unha das páxinas de internet máis grandes do mundo, está perdendo moitos dos seus editores en lingua inglesa, o que reduce a súa fortaleza como unha fonte de coñecemento en liña, afirma unha investigación.

Fonte: El Universal

Desenvolven unha aplicación para ordenador que permitirá traducir desde o inglés á lingua nativo-americana seneca, que posúe un maior rango de matices e que aínda continúa evolucionando.

Fonte: Press Connects

Un total de 540 profesores de inglés en escolas públicas dos distintos estados brasileiros embarcarán con destino aos Estados Unidos para realizar un curso de perfeccionamento da lingua.

Fonte: Coletivo

É posible que os bebés comecen a aprender as súas linguas maternas antes de ver as caras das súas nais. Segundo os investigadores, os bebés acabados de nacer reaccionan de forma distinta aos sons vocálicos da súa lingua materna e aos de linguas estranxeiras, o que suxire que a aprendizaxe comeza no ventre materno.

Fonte: Science News

Os croatas usan o alfabeto latino, mentres que a maioría dos serbios usa o cirílico, porén, ambos comparten a mesma lingua. Por este motivo, o Goberno croata decidiu introducir sinais escritas en alfabeto latino e cirílico para respectar os dereitos lingüísticos dos serbios da vila de Vukovar.

Fuente: BBC

O Goberno de Taiwán debe facilitar o acceso á aprendizaxe da lingua vietnamita debido aos crecentes lazos con Vietnam e a que cada vez a poboación vietnamita é maior en Taiwán.

Fonte: Focus Taiwan

Dada a intención do Ministerio de Educación e Cultura de revisar o currículo educativo de 2013, que inclúe a transformación das clases de inmersión na lingua local en clases de arte e cultura, os balineses demandaron manter as clases de lingua balinesa nos colexios.

Fonte: Bali Daily

Sina Weibo, a plataforma chinesa de microblogs coñecida ás veces como “O Twitter de China”, comezou a ofrecer unha interface en lingua inglesa.

Fonte: Tech Crunch