En 2008, morreu Marie Smith Jones, última falante de eyak. A tribo amerindia de Alasca do mesmo nome pensaba que con ela se perdería a lingua dos seus devanceiros. Porén, o eyak non dixo a súa última palabra, dúas persoas aínda o falan: Michael Krauss, un estadounidense apaixonado pola súa cultura, e Guilliame Leduey, un mozo francés de 23 anos que decidiu dedicarse á revitalización da lingua.

Fonte: French Morning

O comisario de Linguas Oficiais de Canadá, Graham Fraser, pediralle a John Baird, ministro de Exteriores, que rectifique as súas tarxetas de visita escritas unicamente en inglés. Graham Fraser recibiu xa catro queixas sobre as tarxetas que non cumpren a política de bilingüismo nas comunicacións do Goberno canadense.

Fonte: Le Droit

Un estudo de dous anos, realizado polo Centro de Publicacións e Investigacións Bhasha, revelou que a India perdeu arredor dun 20 por cento das súas linguas nativas nos últimos 50 anos.

Fonte: Oneindia

O dicionario servirá para "abrir a oportunidade" de que a sociedade internacional e nacional coñeza a lingua dos pobos indíxenas e afrodescendentes do país centroamericano.

Fonte: La Prensa

O analista de Política internacional Mário Pinto de Andrade considera que a expansión da lingua portuguesa como instrumento de traballo na ONU e na Unión Africana depende exclusivamente da vontade dos Estados membros con relación á concertación das cotas.

Fonte: ANGOP

A idea é que poidamos aprender idiomas en base aos textos que encontremos navegando en internet, mesmo dentro do noso muro de Facebook, de maneira que nos enfrontaríamos a situacións reais na aprendizaxe, adaptándose así aos nosos intereses e necesidades persoais.

Fonte: EJU

En 1900, alumnos dunha misión en Papúa-Nova Guinea crearon un dialecto que mestura alemán e idioma local. Hoxe, as poucas persoas que falan o chamado "noso alemán" son proba viva dun capítulo pouco coñecido da historia colonial.

Fonte: DW

As linguas visibles no mapa interactivo son español, francés, crioulo francés, italiano, portugués, alemán, ruso, polaco, persa, chinés, xaponés, coreano, vietnamita, tagalo e árabe.

Fonte: CI News

Posto que non hai suficientes xuíces bilingües, o comisario de Linguas Oficiais de Canadá, de acordo cos seus homólogos provinciais, demándalle ao ministro federal de Xustiza, Peter MacKay, que reaccione.

Fonte: Radio-Canada

Malia os esforzos de dez institucións públicas que buscan preservar as linguas indíxenas, a delegada do Instituto Nacional de Linguas Indíxenas, Eva Cacavari Garza, recoñeceu que a discriminación é o principal factor que xera o desánimo das xeracións futuras á hora de empregar a súa lingua.

Fonte: UniradioInforma