Mundo
O departamento de Tarn pon de relevo a lingua occitana
O departamento occitano de Tarn (Francia) pon de relevo nun informe a lingua occitana como ferramenta de promoción turística.
Fonte: Jornalet
Nace un proxecto de comunicación en lingua friulana
A Cooperativa de Información Friulana desenvolveu Fûrxfur, un proxecto de comunicación integrado en lingua friulana financiado pola Axencia Rexional da Lingua Friulana (ARLEF).
Fonte: Udine Today
Publican un dicionario da alimentación en liña en 9 linguas
Unha empresa italiana publicou un dicionario da alimentación en 9 linguas: italiano, inglés, alemán, francés, español, portugués, chinés e ruso. O dicionario está dispoñible en versión electrónica e como aplicación para Android.
Fonte: Il Velino
Un informe do British Council considera que o árabe é a segunda lingua estranxeira máis importante no Reino Unido
Un informe do British Council, a organización internacional do Reino Unido para a promoción cultural e as oportunidades do ensino, publicou un informe que revela que o árabe é a segunda lingua máis importante para a prosperidade económica e cultural do Reino Unido.
Fonte: Metro
O navegador de Google poderá corrixir ortograficamente varias linguas de maneira simultánea
O navegador de Google incorporará unha función que permitirá a corrección ortográfica simultánea en varios idiomas.
Fonte: Softzone
Créase unha escola virtual en lingua de signos en Portugal
A Asociación de Xordos do Porto (Portugal) creou a primeira escola virtual do mundo en lingua de signos: a Escola Virtual de Lingua de Signos.
Fonte: Porto Canal
Unha universidade mexicana organiza un obradoiro sobre documentación de linguas indíxenas
O Máster de Estudos Amerindios e Educación Bilingüe e o Laboratorio de Educación e Mediación Intercultural da Universidade Autónoma de Querétaro (México) organizaron un obradoiro de documentación comunitaria de linguas indíxenas co obxectivo de desenvolver proxectos de preservación do patrimonio lingüístico e cultural.
Fonte: Am de Querétaro
A Sociedade da Lingua Galesa propón duplicar o número de falantes de galés
A principal asociación a prol da lingua galesa, Cymdeithas yr Iaith Gymraeg (Sociedade da Lingua Galesa), presentou un documento que defende acadar o millón de falantes de galés, como obxectivo para as próximas eleccións do País de Gales.
Fonte: Nationalia
Unha lingüista estadounidense anima a sociedade galega a transmitirlles o galego ás novas xeracións
Kathleen March, unha tradutora estadounidense de autores galegos ao inglés, confía en non chegar a ver "a morte do galego" e anima os galegos e galegas a transmitirlles a lingua ás próximas xeracións.
Fonte: Galicia Hoxe
Un lingüista español traballa nun proxecto para salvar a lingua otomí de Tilapa
Un investigador de orixe española documenta desde hai oito anos a lingua otomí de Santiago Tilapa, unha localidade próxima a Cidade de México, co obxectivo de salvala da extinción.
Fonte: El Universal
Boletín
Subscríbase ao boletín