O ministro irlandés de Estado das Zonas de Fala Irlandesa ("Gaeltacht"), Dinny McGinley, solicitou a diferentes grupos interesados a presentación de plans para a promoción e protección do gaélico irlandés.

Fonte: Independent

Membros da asociación Conradh na Gaeilge e o organismo de representación estudantil Union of Students in Ireland (USI) levaron a cabo unha protesta diante do Parlamento irlandés para solicitarlle ao Goberno que garanta os dereitos dos falantes de gaélico.

Fonte: The Irish Times

A pesar de que o español segue sendo a lingua da igrexa en México, xeracións de catequistas e misionarios católicos traduciron a Biblia para o tzotzil e o tzeltal, dúas linguas maias do estado de Chiapas. Agora o Vaticano deu luz verde á celebración da misa semanal e algúns rituais do catolicismo, como a confesión e o bautismo, nas linguas indíxenas.

Fonte: BBC

O Goberno federal do Brasil lanzou un programa conxunto con Francia para conceder bolsas de cursos a distancia de francés elaborados pola Alianza Francesa, institución acreditada para realizar os exames de competencia en lingua francesa no Brasil.

Fonte: Zero Hora

Unha nova lei aprobada polo Departamento de Educación do estado de Oklahoma (EUA) permítelles ás tribos indias e ás escolas abordar o descenso no número de falantes das linguas indíxenas.

Fonte: NewsOK

O estudo de linguas estranxeiras reduciuse á metade nos últimos sete anos nos centros educativos do País de Gales debido á negativa de moitos alumnos de secundaria a estudaren linguas modernas.

Fonte: Wales Online

O organismo cultural "Impératif français" anima os cidadáns quebequeses a frecuentaren establecementos comerciais cuxa lingua de traballo sexa exclusivamente o francés.

Fonte: La Presse

O Instituto Portugués no Oriente (IPOR) celebra 25 anos en 2014 apostando polo fomento e o uso da lingua portuguesa nas institucións públicas e privadas de Macau, declarou á axencia Lusa o seu director, João Laurentino Neves.

Fonte: Notícias ao Minuto

A segunda edición deste ano do exame para a obtención do Certificado de Proficiencia en Lingua Portuguesa para Estranxeiros (Celpe-Bras), do Ministerio de Educación do Brasil, aprobou 3582 candidatos, o que corresponde ao 86,2 % dos 4154 inscritos. O certificado está aceptado internacionalmente en empresas e institucións de ensino.

Fonte: Correio do Estado

A asociación cultural da Bretaña, Kevre Breizh, mostrou a súa vontade de participar na posta en práctica do Pacto sobre o Futuro da Bretaña, aprobado recentemente polo Goberno francés, e reclama a creación dunha canle de televisión en lingua bretoa.

Fonte: Maville