Un estudo da escola de inglés Wall Street Institute confirmou que os portugueses se encontran entre as dez primeiras nacionalidades con mellor dominio da lingua inglesa nos 30 países onde a escola está presente. O estudo afirma ademais que este dominio fai que os portugueses sexan apreciados cando van traballar a outros países.

Fonte: Económico

Durante un encontro co seu homólogo británico, Michael Gove, o ministro de Educación e Ciencia, Nuno Crato, propuxo a formación de profesores británicos para fomentar o ensino da lingua portuguesa no Reino Unido.

Fonte: Jornal de Notícias

Nun debate da Asemblea do País de Gales, o parlamentario do partido nacionalista Plaid Cymru, Simon Thomas, fixo un chamamento ao Goberno galés para que actúe co fin de garantir o florecemento da lingua galesa.

Fonte: BBC

Segundo o Centro Nacional de Linguas do País de Gales, as escolas de ensino primario deberían impartir linguas estranxeiras para potenciar a súa aprendizaxe en etapas educativas posteriores. As cifras oficiais do Goberno galés mostran unha forte caída das matrículas en linguas estranxeiras no ensino secundario.

Fonte: BBC

Euronews anunciou o lanzamento dunha canle africana de noticias en varios idiomas, incluíndo o portugués. O novo proxecto, chamado Africanews, terá a súa sede en Brazzaville, a capital da República do Congo.

Fonte: tvi24

Un profesor da escola primaria de Miranda do Douro está a recorrer a YouTube para ensinar a lingua mirandesa aos alumnos máis novos, a través da inclusión de vídeos didácticos interpretados e coreografados polo personaxe Eimilho Pica.

Fonte: Diário Digital

O debate "Crear en portugués: o que pode unha lingua", organizado na Fundación Gulbenkian de Lisboa, analiza a realidade e potencialidade do portugués como lingua de creación artística.

Fonte: RTP Notícias

Os deputados da Asemblea Nacional francesa votaron a favor da modificación da Constitución co fin de ratificar a Carta Europea das Linguas Rexionais e Minoritarias. A votación gañou por unha ampla maioría: 361 votos a favor fronte a 149 en contra.

Fonte: Libération

A coalición do Goberno do estado federado do Sarre, en Alemaña, acaba de presentar unha proposta para converter esta rexión en bilingüe (alemán-francés). O obxectivo é que en 2042 todos os habitantes do Sarre poidan dominar as dúas linguas.

Fonte: Frankfurter Allgemeine Zeitung

Con motivo da oitava Conferencia Rexional da Cultura e a Lingua Sardas, o presidente da rexión italiana de Sardeña defende o uso cotián e normal da lingua sarda e a súa promoción e protección por parte das institucións públicas.

Fonte: Regione Autonoma della Sardegna