Unha cantante da illa de Man (Reino Unido) aspira a dar un "novo sopro de vida" á lingua manesa, que a Unesco clasificara como extinta. A cantante de 25 anos, Ruth Keggin, declara que a lingua nunca morreu e que a súa recuperación comezou hai xa décadas.

Fonte: BBC

Na cidade chilena de Temuco terá lugar a terceira marcha para esixir a oficialización da lingua mapuche, o que implicaría o seu uso e ensino nos servizos públicos e centros educativos.

Fonte: Biobiochile

O portugués é actualmente a cuarta lingua máis falada no mundo, segundo os datos presentados na exposición “Potencial Económico da Lingua Portuguesa” que se exhibe no Parlamento Europeo.

Fonte: Euronews

A resolución do Parlamento Europeo do 11 de setembro sobre Linguas europeas ameazadas de desaparición e a diversidade lingüística na UE significa "un fito" e "un punto de partida" para lograr máis apoios, medios e recoñecemento das linguas minoritarias.

Fonte: Noticias de Navarra

A Administración rexional das Flores Oriental, en Indonesia, quere ensinarlles portugués aos nenos, á confraría "Rainha do Rosário" e ao grupo Mama Muji, que reza na lingua de Camões desde hai varios séculos, seguindo a evanxelización de misioneiros católicos portugueses na rexión.

Fonte: Notícias ao Minuto

A alta comisionada da Organización para a Seguridade e a Cooperación en Europa (OSCE) para as Minorías Étnicas, Astrid Thors, instou as autoridades de Ucraína a aplicar unha política máis equilibrada e inclusiva en materia lingüística.

Fonte: Ria Novosti

A influencia dos inmigrantes procedentes do leste de Europa axudou a promover o importante incremento do número de alumnos que non falan inglés como lingua principal.

Fonte: Express

Barbara Abdelilah-Bauer, fundadora do Centro de Animación e Formación para a Educación Bilingüe e Plurilingüe en Francia, afirmou que as persoas poden facerse bilingües a calquera idade, xa que o cerebro está preparado para iso.

Fonte: El Periódico de Aragón

Os inmigrantes do estado de Xeorxia enfrontan unha nova arremetida antiinmigrante, esta vez cun proxecto de lei que, de ser aprobado pola Asemblea, prohibiría o uso doutros idiomas -que non sexa o inglés- nas oficinas públicas do Estado.

Fonte: Univisión

Para asegurar a continuidade do idioma nas novas xeracións, a Axencia Rexional da Lingua Friulana (ARLEF) iniciou unha campaña informativa na maternidade de Palmanova (Friúl) que incide nos beneficios de transmitirlles esta lingua aos acabados de nacer.

Fonte: Nationalia