Un informe da BBC revela que cada vez máis persoas consomen contidos en lingua galesa na páxina de televisión en liña da canle S4C.

Fonte: Cable

O antigo ministro portugués de Asuntos Exteriores, Luís Amado, defendeu con motivo do Festival da Lusofonía de Lisboa o papel responsable que ten Portugal na expansión e promoción da lingua portuguesa no mundo.

Fonte: Notícias ao Minuto

A partir do mes de outubro está dispoñible o primeiro currículo nacional pensado no ensino das linguas aborixes australianas.

Fonte: The Guardian

A artista británica Marija Tiurina publicou o libro Untranslatable Words onde ilustra con imaxes o significado de palabras difíciles de traducir en varias linguas do mundo.

Fonte: Observador

O Rexistro Nacional de Identificación e Estado Civil do Perú creou o primeiro rexistro civil en liña en dúas linguas: castelán e awajún.

Fonte: Andina

O Instituto Internacional da Lingua Portuguesa (IILP) mostrouse optimista sobre a aplicación do Acordo Ortográfico xa que, en palabras da súa directora executiva, o acordo non está en causa en ningún país da Comunidade de Países de Lingua Portuguesa (CPLP).

Fonte: TVI24

Un acordo asinado coa Federación Portuguesa de Asociacións de Xordos permitirá que as reunións públicas do Goberno Municipal de Lisboa sexan interpretadas á lingua de signos.

Fonte: Notícias ao Minuto

O responsable de educación de Jersey prevé a apertura dunha escola bilingüe inglés-francés que fomente os trazos culturais e históricos propios desta illa.

Fonte: BBC

O ministro de Asuntos Exteriores de Portugal, Rui Machete, declarou que a investigación sobre o potencial económico da lingua portuguesa podería contribuír ao seu recoñecemento internacional.

Fonte: TSF

Os senadores do estado de Novo México (EUA) defenderán a aprobación dunha lei que garante a protección das linguas nativas mediante a introdución do seu ensino nas escolas.

Fonte: KRQE News