Mundo
A cidade brasileira de Curitiba acolle ata o 30 de xuño diversas actividades para celebrar as Letras Galegas
Desde o sábado 16 de maio ata o martes 30 de xuño de 2015 a Universidade Federal do Paraná, en colaboración co Instituto Cervantes de Curitiba, organiza diversos actos en conmemoración do Día das Letras Galegas, que na presente edición homenaxea a Xosé Fernando Filgueira Valverde. A programación inclúe conferencias, lecturas poéticas, exposicións e actuacións musicais.
Fonte: Instituto Cervantes
Unha aplicación móbil axudará os nenos a aprender a lingua támil
Un responsable do Goberno de Singapur anunciou nunha conferencia a introdución dunha aplicación móbil que lles permitirá aos máis novos entender a lingua támil, unha das catro oficiais do país.
Fonte: The Economic Times
Apróbase a localización do novo Centro da Lingua e Cultura Galesas en Cardiff
O Novo Centro da Lingua e Cultura Galesas de Cardiff terá como obxectivo a promoción e protección da lingua galesa na capital de Gales e localizarase no edificio da antiga biblioteca municipal.
Fonte: BBC
O Goberno tunisiano introducirá o portugués nas escolas
Tunisia e Portugal asinaron un acordo que permitirá a introdución do portugués como lingua estranxeira no ensino.
Fonte: Dnotícias
Estréase un proxecto teatral galego-portugués no Teatro Nacional D. Maria II de Lisboa
O Teatro Nacional D. Maria II de Lisboa presenta Bilingue, un proxecto teatral galego-portugués.
Fonte: Visão
Máis do 10 % das persoas censadas en Irlanda fala unha primeira lingua diferente do irlandés e o inglés
Un estudo realizado pola Oficina Central de Estatística de Irlanda revelou que máis dun 10 % das persoas con residencia neste país fala como primeira lingua un idioma diferente do irlandés ou inglés. As linguas estranxeiras máis faladas son o polaco, o francés e o lituano.
Fonte: Irish Times
Un informe constata a caída do estudo de linguas estranxeiras en Gales
Un informe revela un descenso no número de alumnos de secundaria que deciden estudar unha lingua estranxeira no País de Gales.
Fonte: BBC
Anúnciase a creación da Oficina Pública da Lingua Occitana
O conselleiro rexional de Aquitania, Dàvid Grosclaude, decidiu pór fin á súa folga de fame iniciada hai uns dais despois de recibir unha carta que anuncia a creación da Oficina Pública da Lingua Occitana.
Fonte: Jornalet
As escolas portuguesas de ensino primario poderán ofrecer materias de linguas clásicas
A partir do próximo ano lectivo, o ensino primario de Portugal poderá ofertar a materia optativa "Introdución á cultura e ás linguas clásicas" ou variantes.
Fonte: Público
Ábrese a porta á ratificación da Carta Europea das Linguas Rexionais ou Minoritarias en Francia
O presidente de Francia, François Hollande, declarou que se posiciona a favor de ratificar a Carta Europea das Linguas Rexionais ou Minoritarias.
Fonte: Jornalet
Boletín
Subscríbase ao boletín
