A rede de escolas occitanas mostrou a súa preocupación pola forte diminución do ensino en occitano nas escolas primarias da antiga provincia francesa de Bearne.

Fonte: Jornalet

Diferentes territorios de Francia como Córsega, Occitania ou Alsacia demandarán en mobilizacións simultáneas un estatuto de protección e promoción das súas linguas rexionais.

Fonte: Sermos Galiza

Un total de 83 escolas públicas de ensino básico do Uruguai oferta clases de portugués. A maioría delas están en zonas de fronteira co Brasil.

Fonte: Diário de Notícias

O Senado de Porto Rico aprobou un proxecto de lei que converte o español en primeira lingua oficial da illa. O inglés pasará a ser segundo idioma.

Fonte: Globo

O ministro de Cultura do Brasil, Juca Ferreira, demandou en Luanda que Angola ratifique o Acordo Ortográfico da Lingua Portuguesa.

Fonte: Diário Digital

Un grupo de cidadáns solicitará nunha manifestación en Lisboa que se convoque un referendo sobre o Acordo Ortográfico da Lingua Portuguesa.

Fonte: SAPO

O Instituto Cervantes, a Universidade de Salamanca e a Universidade Nacional Autónoma de México presentaron un novo certificado do dominio do español por medios electrónicos: o SIELE (Servizo Internacional de Avaliación da Lingua Española).

Fonte: El Mundo Financiero

O Tribunal Supremo de Paquistán ordenou a aplicación inmediata do Artigo 251 que establece que o urdú debe ser a lingua oficial das oficinas gobernamentais.

Fonte: Geo

Só 377 escolas públicas do estado de Australia Occidental ofertan clases de linguas diferentes ao inglés, fronte ás 523 do ano pasado.

Fonte: ABC

Os recortes en educación obrigarán a un total de 20 profesores da Escola de Linguas Modernas da Universidade do Ulster a perder os seus empregos.

Fonte: Belfast Live