Con motivo do Día Europeo das Linguas, a Oficina Europea de Estatística publicou un informe que revela que, en 2013, o 80 % do alumnado dos estados da UE estudaban unha lingua estranxeira nos primeiros anos do ensino primario.

Fonte: OJE

O Consello Rexional de Auvernia (Francia) votou a favor de adherirse á Oficina Pública da Lingua Occitana (OPLO, polas súas siglas en occitano).

Fonte: Jornalet

O partido portugués Bloco de Esquerda defendeu no seu programa electoral para as lexislativas a promoción da lingua de signos portuguesa.

Fonte: Correio da Manhã

O Instituto Confucio da Universidade do Miño volverá ofrecer este ano cursos anuais de lingua chinesa no campus de Braga.

Fonte: Gazeta do Rossio

Un informe recomenda crear dous novos centros da lingua galesa para deter o declive no uso do galés no condado de Gwynedd.

Fonte: Daily Post

Algúns estudos mostran un declive na aprendizaxe de linguas faladas en Asia nas escolas australianas, especialmente entre a poboación de orixe asiática.

Fonte: The Conversation

Na 70 sesión da Asemblea Xeral das Nacións Unidas, o presidente da República portuguesa, Cavaco Silva, defendeu a importancia global da lingua portuguesa e mostrou a súa esperanza de que o portugués se converta en lingua oficial deste organismo internacional.

Fonte: Mundo Lusíada

Estonia lanza a súa primeira canle de televisión en ruso coa intención de aproximar a poboación estoniana á minoría de orixe rusa.

Fonte: The Washington Post

Un informe da Unión Internacional de Telecomunicacións (ITU, polas súas siglas en inglés) revelou que só un 5 % das linguas máis minoritarias ou menos influentes do mundo está presente en internet.

Fonte: Rue89

Diferentes análises, como a elaborada polo xornal estadounidense The Washington Post ou a do British Council, revelaron cales serán as linguas máis dominantes do futuro, tendo en conta a evolución dos mercados e o peso demográfico dos seus falantes.

Fonte: Jornal de Notícias