O Goberno de Escocia aprobará políticas que promovan a lingua escocesa ou scots. Por exemplo, coas novas medidas, os sinais públicos pasarán a estar en tres linguas: inglés, gaélico e scots.

Fonte: Scotsman

Un estudo elaborado polo British Council avalía o ensino da lingua inglesa nas escolas públicas do Brasil. Entre outras cousas, analízase a percepción do alumnado e as condicións do profesorado.

Fonte: Segs

A campaña Líofa, coa que o Goberno de Irlanda do Norte quería promover o uso e a aprendizaxe da lingua gaélica, superou todos os prognósticos: 13 000 persoas comprometéronse a falar irlandés antes do fin de 2015 e o obxectivo inicial era de 1000.

Fonte: BBC

O Centro de Linguas da Universidade do Miño (Portugal) ofrecerá este ano unha ampla oferta de cursos en linguas estranxeiras. O programa formativo inclúe idiomas como o alemán, o español, o francés, o galego, o inglés, o italiano, o portugués como lingua estranxeira, o ruso e o xaponés.

Fonte: Gazeta do Rossio

A asociación a prol da lingua irlandesa Conradh na Gaeilge solicitoulles á Universidade do Ulster e ao Goberno de Irlanda do Norte que repensen a decisión de suprimir as clases de gaélico a tempo completo na cidade de Belfast.

Fonte: Inside Ireland

O mellor xornalista en lingua nacional umbundu demandou a valorización de todas as linguas nacionais de Angola.

Fonte: Agência Angola Press

Co fin de salvar a súa lingua orixinaria, a comunidade indíxena maká de Paraguai recibe contos redactados por eles mesmos en versión bilingüe.

Fonte: La Vanguardia

As reformas educativas aprobadas polo Goberno de Portugal darán máis peso ás linguas estranxeiras no ensino público. O inglés pasa a ser obrigatorio no primeiro ciclo de primaria e o chinés mandarín comezará a ofertarse en secundaria.

Fonte: Público

Voluntarios de países europeos como Alemaña e Suecia decidiron axudar na crise migratoria en Europa ensinando as súas linguas locais aos refuxiados de Oriente Medio e África.

Fonte: The Guardian

Linguas como o tehuelche na Patagonia ou o iquito no Perú forman parte dun grupo de 420 linguas ameazadas de toda América do Sur, tal e como se desprende do Atlas Mundial da Unesco das Linguas en Perigo. Moitos destes idiomas desaparecerán de xeito inminente se non se toman medidas urxentes para a súa protección.

Fonte: El País