O goberno municipal da cidade italiana de Cagliari aprobou un estatuto que recoñece a oficialidade da lingua sarda.

Fonte: Sardinia Post

A Plataforma de Apoio aos Refuxiados de Portugal anunciou que os refuxiados acollidos nese país recibirán material para aprender portugués.

Fonte: tvi24

O reitor da Universidade de Coímbra, João Gabriel Silva, declarou que a institución de ensino superior procura cada vez máis estudantes internacionais e unha das súas prioridades é ensinar portugués a estudantado de orixe chinesa.

Fonte: Diário de Notícias

A catedrática da Universidade de Cambridge, Wendy Ayres-Bennett, defendeu a necesidade de mellorar o ensino das linguas estranxeiras no Reino Unido co fin de obter beneficios para toda a sociedade.

Fonte: Cambridge News

O informe do censo sobre o uso do gaélico escocés de 2011 revela que unha pequena porcentaxe de falantes naceu fóra de Escocia.

Fonte: Scotsman

Por medio dun acto presidido por personalidades políticas e culturais da rexión francesa de Mediodía-Pireneos, a Oficina Pública da Lingua Occitana, encargada de definir a política pública a favor do occitano, instálase na cidade de Tolosa.

Fonte: News press

Un concelleiro da cidade galesa de Wrexham escúdase no baixo uso do galés no municipio para defender os recortes na oferta de servizos públicos nesa lingua.

Fonte: Wales Online

O Concello de Lisboa abrirá ao público un servizo de atención en lingua de signos que contará coa participación da Federación Portuguesa de Asociacións de Xordos.

Fonte: Público

Unha conferencia da Universidade de Bangor analizará propostas para fomentar o uso do galés no ámbito laboral. O encontro contará coa presenza do ministro principal de Gales, Carwyn Jones, e a comisaria da Lingua Galesa, Meri Huws.

Fonte: BBC

Unha resolución do Ministerio de Educación do Perú recoñece a oficialidade do alfabeto da lingua orixinaria bora. O novo alfabeto consta de 26 letras e permitirá garantir a súa protección e difusión.

Fonte: Andina