Mundo
Un home tibetano loita para evitar a desaparición da súa lingua e a súa cultura
Un home da Rexión Autónoma do Tibet, administrada por China, quere presentar unha demanda para solicitarlles ás autoridades que faciliten máis educación en lingua tibetana. China segue restrinxindo o ensino en lingua vernácula e moitas escolas ensínana xa como idioma estranxeiro.
Fonte: New York Times
Un estudo revela que unha parte importante das mozas e mozos galeses considera que non falará galés na idade adulta
Un estudo realizado a 800 mozas e mozos do País de Gales mostra que un pouco menos da metade considera que non falará a lingua galesa en idade adulta.
Fonte: NewStatesman
O ensino do portugués en Timor Leste avanza lentamente
A falta da adecuación dos programas educativos e a preparación dos profesores están a obstaculizar o desenvolvemento do ensino do portugués en Timor Leste.
Fonte: Sapo
Descobren o principio universal da organización das linguas no cerebro
Un centro de investigación vasco centrado no estudo da cognición, o cerebro e a linguaxe (Basque Center on Cognition, Brain and Language, BCBL) participou nun estudo internacional que descubriu un principio universal da organización da lingua no cerebro.
Fonte: Observador
Un estudo revela a importancia dos sons na infancia para a aprendizaxe de linguas en etapas posteriores
Un grupo de investigadores quebequeses da Universidade MgGill e do Instituto Neurolóxico de Montreal elaboraron un estudo que revela que o contacto cunha lingua na infancia inflúe na forma en que o cerebro procesa os sons doutras que se adquiran posteriormente.
Fonte: TVI 24
Os coordinadores dun congreso en Coímbra piden máis vontade na difusión da lingua portuguesa
O coordinador do congreso internacional "Lingua portuguesa: unha lingua de futuro" critica a ausencia de representantes da Comunidade de Países de Lingua Portuguesa no encontro e pide máis vontade á hora de difundir o idioma de Camões.
Fonte: Observador
O occitano está presente no festival de cinema das minorías lingüísticas de Cagliari
O occitano está amplamente representado con dous documentais no concurso internacional de cinema das minorías lingüísticas, o Babel Film Festival, que ten lugar en Cagliari (Sardeña).
Fonte: Jornalet
Proponse a creación dun canon literario para propiciar a unidade da lingua portuguesa
O autor inaugural da conferencia "Lingua portuguesa: unha lingua de futuro", que se desenvolve en Coímbra, suxeriu a construción dun canon literario común que permita aproximar as literaturas en lingua portuguesa.
Fonte: Público
A Universidade de Macau continuará fomentando a formación en lingua portuguesa
O reitor da Universidade de Macau, Wei Zhao, rexeitou que a institución estea a prever a redución da oferta educativa en portugués e prometeu que se seguirá fomentando a formación nesta lingua.
Fonte: Notícias ao Minuto
Afiánzase o ensino do portugués en Venezuela
Constitúese en Venezuela a Asociación Venezolana do Ensino da Lingua Portuguesa (AVELP) co fin de promover o ensino da lingua e a cultura portuguesas.
Boletín
Subscríbase ao boletín
