Mundo
A primeira lingua que se aprende prepara o cerebro para a adquisición posterior de novos idiomas
Un estudo realizado pola Universidade McGill e o Instituto Neurolóxico de Montreal demostrou que a exposición a unha lingua durante os primeiros meses de vida senta as bases para aprender despois novos idiomas.
Fonte: La Vanguardia
O primeiro ministro francés móstrase contrario á cooficialidade do corso
Manuel Valls dixo nunha entrevista que en Francia "só existe unha nación" e mostrouse contrario á cooficialidade do corso en Francia, onde, explicou, "soamente hai unha lingua oficial, o francés".
Fonte: La Vangurdia
O Goberno de China establecerá estándares oficiais para a lingua de signos e o braille
O Goberno chinés estandarizará a lingua de signos e o braille que se utilizan no país ao longo dos vindeiros cinco anos, debido ás diferenzas rexionais e culturais dentro do territorio.
Fonte: Spanish Peopledaily
Matosinhos albergará un museo dedicado á lingua portuguesa
O novo Museo da Diáspora e da Lingua Portuguesa estará localizado no Concello portugués de Matosinhos, anunciou o presidente do municipio, Guilherme Pinto.
Fonte: Público
O Acordo Ortográfico entra en vigor no Brasil
O novo Acordo Ortográfico da Lingua Portuguesa entrou en vigor no Brasil, culminando un proceso que pasou por moitas fases e que de momento é só obrigatorio noutros dous países: Portugal e Cabo Verde. O resto de países lusófonos aínda non emprega oficialmente as novas regras ortográficas.
Fonte: Capital News
Un estudo revela que o inglés xa non é a lingua predominante en Internet
Un estudo realizado por unha organización sen ánimo de lucro que analiza o uso da tecnoloxía nos países en vías de desenvolvemento revelou que só o 45 % do contido de Internet está en inglés, o que supón unha forte caída respecto a estudos anteriores.
Fonte: Tech Insider
Unha concentración demanda que o árabe se inclúa no currículo das escolas da provincia canadense de Manitoba
Centos de persoas concentráronse na principal mesquita de Winnipeg para solicitar que o árabe se inclúa no currículo das escolas públicas da provincia canadense de Manitoba.
Fonte: CBC News
Un galardón premiará as mellores cancións en gaélico irlandés
A revista cultural irlandesa Nós organiza un galardón musical en Dublín para premiar as mellores cancións en gaélico irlandés.
Fonte: State
O Parlamento portugués prestará a súa colaboración na reconstrución do Museo da Lingua Portuguesa
O Parlamento portugués manifestou a súa solidariedade polo incendio que destruíu o Museo da Lingua Portuguesa en São Paulo e mostrou a súa vontade de colaborar nos labores de reconstrución.
Fonte: Revista Port
O ministro de Exteriores de Portugal defende que a importancia do portugués non se pode reducir só ao seu valor económico
O ministro de Asuntos Exteriores de Portugal, Augusto Santos Silva, defendeu que a importancia do portugués non pode ser reducida unicamente ao seu valor económico, e subliña que debe ser promovido "como a lingua das persoas".
Fonte: Rádio Vaticano
Boletín
Subscríbase ao boletín
