O pleno do Senado da República de México aprobou reformas da Lei xeral de dereitos lingüísticos dos pobos indíxenas co fin de promover e impulsar a recuperación e desenvolvemento das linguas maternas.

Fonte: 24 horas

Unha campaña animará os cidadáns finlandeses a empregar o finés cos estranxeiros co fin de axudalos a mellorar as súas destrezas nesa lingua.

Fonte: YLE

O Consello de Cornualles aprobou un plan de fomento e protección da lingua córnica que se incorporará paulatinamente ás comunicacións e publicacións oficiais.

Fonte: Western Morning News

A Cámara dos Deputados do Brasil aprobou un proxecto de lei que garante o uso da lingua materna a todos os estudantes indíxenas.

Fonte: Boa Vista Agora

O proxecto de reforma da empresa de radiodifusión pública italiana non prevé emisións en linguas como o friulano ou o sardo. Porén, a norma si inclúe a posibilidade de ofrecer espazos noutras linguas como o francés, o alemán e o esloveno.

Fonte: Nationalia

A rexión de Friúl-Venecia Giulia investirá 30 000 euros en software para traducir ao friulano documentos de diferentes oficinas públicas.

Fonte: Trieste Prima

Con ocasión do Día Internacional dos Dereitos da Infancia, o colectivo de escolas de fala occitana denuncia nun comunicado que o Estado francés segue a rexeitar a aplicación do artigo 30 da Convención sobre os Dereitos do Neno que aborda a diversidade lingüística.

Fonte: Jornalet

A Rede para a Promoción da Diversidade Lingüística (NPLD, polas súas siglas en inglés) presentou a Folla de Ruta para a Diversidade Lingüística que avogará pola igualdade de todas as linguas europeas.

Fonte: Nationalia

Google revela nun comunicado que introducirá ferramentas para xerar contido traducido en YouTube.

Fonte: Administradores

O sitio de contidos turísticos TripAdvisor rexeita a publicación de comentarios escritos en galés porque viola a política lingüística da empresa.

Fonte: Daily Post