Illas Baleares
O PP critica o plan de normalización lingüística balear porque limita o uso do castelán no ámbito deportivo
O PP criticou o Goberno balear por elaborar un plan de normalización lingüística que ten como obxectivo "evitar o bilingüismo" no sector deportivo das Ilas, e "impón a calquera entidade deportiva a dispoñer toda a súa documentación en catalán".
Fonte: Europa Press
Apróbase o Plan de normalización lingüística de Baleares
O pleno do Consello Social da Lingua Catalá aprobou sen ningún voto en contra o Plan de normalización lingüística, unha guía para a promoción social do uso do catalán que non implicará imposición ningunha no ámbito privado alleo ás Administracións da Comunidade, segundo destacou a conselleira de Educación e Cultura, Bárbara Galmés.
Fonte: Diario de Mallorca
O Servizo de Intérpretes de Lingua de Signos de Baleares atendeu 284 usuarios en 2008, case un 50 % máis que en 2005
O Servizo de Intérpretes de Lingua de Signos de Baleares atendeu durante o pasado ano un total de 284 usuarios, que solicitaron na súa maior parte axuda nos trámites médicos, cifra que supón preto dun 50 por cento máis de persoas atendidas desde que o servizo se creou en 2005.
Fonte: Europa Press
A Obra Cultural Balear e IB3 producirán programas conxuntamente para fomentar a normalización da lingua catalá
A Obra Cultural Balear (OCB) e IB3 producirán proximamente programas dunha maneira conxunta co obxectivo de favorecer a normalización da lingua catalá no arquipélago balear.
Fonte: Europa Press
A Dirección Xeral de Política Lingüística de Baleares convoca axudas de ata 140.000 euros para a prensa escrita en catalán
A Dirección Xeral de Política Lingüística das Illas Baleares publicou no Boletín Oficial de Baleares (BOIB) a convocatoria para conceder axudas destinadas á prensa escrita integramente en catalán.
Fonte: Europa Press
Cerca de 400 mozos e mozas maniféstanse en Palma para "defender" a lingua catalá
Cerca de 400 mozos e mozas manifestáronse polas rúas de Palma, en relación coa concentración convocada por Joves de Mallorca per la Llengua, SEPC e Maulets, baixo o lema 'El jovent en defensa de la llengua' (A mocidade en defensa da lingua).
Fonte: Europa Press
O Goberno balear reclama que a lingua catalá sexa recoñecida no Parlamento Europeo
A conselleira balear de Comercio, Industria e Enerxía, Francesca Vives, fixo fincapé na necesidade de que a lingua catalá sexa "recoñecida oficialmente" no Parlamento Europeo, de maneira que os eurodeputados das illas poidan falar "na súa lingua propia".
Fonte: Europa Press
Miles de persoas fan unha cadea humana en Palma para reivindicar a lingua catalá
As rúas da capital balear enchéronse de persoas de todas as idades para participar na cadea humana organizada pola Obra Cultural Balear (OCB) co obxectivo de promover os dereitos lingüísticos da lingua catalá e conseguir a súa normalización.
Fonte: Europa Press
A Cámara balear rexeita que o catalán sexa considerado só un mérito en procesos selectivos de persoal sanitario
O Parlamento balear rexeitou unha Proposición non de lei do PP na que pedía que o coñecemento do catalán sexa considerado como un mérito e non como un requisito en todos os procedementos selectivos de persoal no Servizo Público de Saúde.
Fonte: Europa Press
O Concello de Palma implantará a lingua de signos en todos os seus actos institucionais
A lingua de signos estará presente no debate do Estado da Cidade e nos plenos do Consistorio palmesano, así como nos principais actos institucionais, ademais de ser incorporada, tamén, na publicidade audiovisual institucional e na páxina web.
Fonte: Europa Press
Boletín
Subscríbase ao boletín
