Illas Baleares
O Goberno balear activa o Plan de normalización lingüística
A voceira do Goberno balear, Joana Barceló, anunciou que o Goberno das Illas Baleares aprobou facer o seguimento do Plan xeral de normalización lingüística.
Fonte: Avui
Cae o coñecemento de catalán en Baleares debido á chegada de inmigrantes
Nos últimos sete anos, o coñecemento da lingua catalá sufriu un descenso de dez puntos debido á chegada de cidadáns procedentes doutras comunidades autónomas e doutros países.
Fonte: Diario de Mallorca
O Consello de Mallorca reforma o regulamento para fomentar o catalán entre as súas empresas
O Consello de Mallorca modificou o regulamento de uso do catalán no seu ámbito de competencia para promover o emprego da lingua propia entre as empresas e entidades concesionarias da institución e para actualizar os requirimentos lingüísticos de acceso para os traballadores insulares.
Fonte: ABC
O Consello de Mallorca aproba o Plan de normalización lingüística
O consello executivo do Consello de Mallorca aprobou o Plan de normalización lingüística adaptado ás directrices do Plan xeral de normalización lingüística das Illas Baleares.
Fonte: ABC
Os profesionais sanitarios de Baleares contan con Dualia, un sistema de interpretación simultánea dispoñible en 51 idiomas
Os profesionais sanitarios contan co servizo "Dualia", un sistema de interpretación simultánea que facilita a comunicación entre o usuario inmigrante e o facultativo.
Fonte: Diario de Mallorca
A Obra Cultural Balear lamenta a eliminación da Dirección de Política Lingüística de Palma de Mallorca
Nunha nota de prensa, a entidade expresou que considera que a creación da dirección xeral e da área de Política Lingüística foi "un paso importante nas políticas públicas a favor da lingua propia de Mallorca".
Fonte: ABC
O Goberno de Baleares quere que os pais poidan escoller a lingua coa que os seus fillos aprenden a ler e escribir
O portavoz do Goberno e conselleiro de Educación, Cultura e Deporte, Rafael Bosch, matizou que o obxectivo do Executivo balear é que os pais poidan escoller a primeira lingua coa que os seus fillos poidan iniciar o proceso educativo máis cedo e, polo tanto, coa que aprendan a ler e escribir.
Fonte: 20 minutos
Chega a Mallorca unha trintena de estudantes procedente de 15 países para asistir ao Campus da Lingua Catalá
Unha trintena de estudantes procedente de quince países (Suecia, Ecuador, EEUU, Croacia, Serbia, Reino Unido, Polonia, República Checa, Italia, Montenegro, Alemaña, Irán, Rusia e Romanía) chegou a Mallorca para participar no X Campus Universitario da Lingua Catalá, que terá lugar ata o 6 de agosto en Artá.
Fonte: Europa Press
O catalán deixará de ser obrigatorio para os funcionarios en Baleares
Só os profesores e os empregados do Goberno autonómico que atendan o público deberán acreditar o coñecemento da lingua catalá, no resto dos casos será un mérito.
Fonte: La Voz de Barcelona
O municipio de Cort contestará na lingua oficial que os cidadáns escollan
Nas súas relacións verbais cos cidadáns, tanto presenciais como por vía telefónica, os servizos administrativos municipais ofrecerán a primeira atención en catalán e continuarán na lingua cooficial elixida polo interlocutor, “respectando a súa opción lingüística”.
Fonte: Diario de Mallorca
Boletín
Subscríbase ao boletín
