Destacada

O Goberno galego preséntalle á sociedade as bases do decreto do plurilingüismo no ensino non universitario de Galicia

O presidente da Xunta de Galicia, Alberto Núñez Feijóo, presentoulle á sociedade a proposta de decreto que regulará o uso das linguas oficiais e estranxeiras no sistema educativo non universitario e que substituirá o Decreto 124/2007. Na rolda de prensa posterior ao Consello da Xunta, o presidente galego fixo públicas as liñas principais que rexen as bases do decreto, que foron desenvolvidas detalladamente polo conselleiro de Educación e Ordenación Universitaria, Jesús Vázquez.

Fonte: Xunta de Galicia

O Departamento vasco de Sanidade quere alcanzar "na maior brevidade" o bilingüismo

O Departamento de Sanidade do Goberno vasco pretende alcanzar "na maior brevidade posible" un tratamento "o máis igualitario posible" en éuscaro e castelán, non só na súa páxina web, senón tamén "noutros ámbitos da comunicación".

Fonte: El Correo Digital

Cataluña subtitulará ou dobrará ao catalán a metade das películas

A metade das películas de produción estadounidense terán que proxectarse dobradas ou subtituladas en catalán nas salas de Cataluña. Esta é unha das medidas que incorpora a futura lei do cine que aprobou a Generalitat de Catalunya.

Fonte: ADN

A Consellería de Educación continúa coa rolda de contactos por mor das Bases para a elaboración do Decreto do plurilingüismo

O conselleiro de Educación e Ordenación Universitaria, Xesús Vázquez Abad, e o secretario xeral de Política Lingüística, Anxo Lorenzo, continúan coa rolda de contactos con asociacións relacionadas coa Educación, coas que se está a falar sobre as bases para elaborar o Decreto do plurilingüismo. Deste modo, continúase coas entrevistas nas que ata o vindeiro luns se escoitarán as suxestións de representantes políticos, académicos, sindicais e das asociacións de pais.

Fonte: Xunta de Galicia

La Consejería de Educación continúa los contactos para tratar las Bases para la elaboración del Decreto del plurilingüismo

El Consejero de Educación y Ordenación Universitaria, Xesús Vázquez Abad, y el secretario general de Política Lingüística, Anxo Lorenzo, continúan con la ronda de contactos con asociaciones relacionadas con la Educación, con las que se está hablando sobre las bases para elaborar el Decreto del plurilingüismo. De este modo, se continúa con las entrevistas en las que hasta el próximo lunes se escucharán las sugerencias de representantes políticos, académicos, sindicales y de las asociaciones de padres.

Política Lingüística impulsa o programa de promoción do galego nos centros educativos de Castela e León con novas actividades

A Secretaría Xeral de Política Lingüística da Xunta de Galicia segue a impulsar o fomento do uso da lingua galega nos territorios limítrofes con Castela e León coa organización de novas actividades para o programa de ensino en galego que se desenvolve nas provincias de León e Zamora.

Fonte: Xunta de Galicia

O Vocabulario ortográfico da lingua portuguesa está dispoñible gratuitamente en internet

O Vocabulario ortográfico da lingua portuguesa (VOLP), publicado en outubro de 2009 por Porto Editora, está dispoñible gratuitamente en internet en www.infopedia.pt, segundo anunciou a editorial. A responsable do departamento de dicionarios de Porto Editora, Graciete Teixeira, xustifica a dispoñibilización da obra en internet coa fase de transición ortográfica de cara á aplicación do novo acordo ortográfico.

Fonte: Expresso

Comezan as Festas dos Axóuxeres, que farán gozar os bebés e o resto da familia a través do galego e a música

Chega setembro e con el, ademais da volta ao cole, as Festas dos Axóuxeres, unha programación de música e palabra para os máis pequenos da casa que organiza a Secretaría Xeral de Política Lingüística da Consellería de Educación e Ordenación Universitaria.

Fonte: Xunta de Galicia

A simplificación da ortografía francesa convértese de novo en tema de debate

A cuestión sobre se cómpre simplificar a ortografía do francés volve ser motivo de debate como consecuencia da recente publicación dunha obra de François de Closets que leva por título Zéro Faute na que recomenda unha simplificación masiva da lingua francesa.

Fonte: 20minutes

A Universidade de Johannesburgo introducirá o sesotho sa leboa, o inglés, o afrikaans e o zulú como linguas oficiais

A Universidade de Johannesburgo lanzará a súa nova política lingüística, que introducirá o sesotho sa leboa, o inglés, o afrikaans e o zulú como as linguas oficiais da Universidade.

Fonte: Sowetan

Boletín

Subscríbase ao boletín

Logo Feder