Mundo
Máis do 50 % da poboación de Montenegro declara falar serbio como primeira lingua
Os resultados do censo realizado en Montenegro revelaron que máis do 50 % da poboación declarou falar serbio como primeira lingua. Esta situación podería obrigar as autoridades a introduciren o ensino do serbio no sistema educativo e como lingua oficial.
Fonte: Euronews
Un estudo do British Council revela que a maior parte do alumnado do ensino medio británico non pensa que o estudo das linguas sexa útil
Un estudo elaborado polo British Council revela que só un 20 % do alumnado británico do primeiro ano do ensino secundario ten pensado estudar linguas estranxeiras ao longo da etapa educativa.
Fonte: BBC
As universidades de Coímbra e Macau unen esforzos para a promoción da lingua portuguesa e o coñecemento tecnolóxico
A Universidade de Coímbra e a Universidade Politécnica de Macau asinan un acordo estratéxico de cooperación para promocionar o coñecemento tecnolóxico e a proxección da lingua portuguesa.
Fonte: SAPO
A Axencia para as Migracións de Portugal promoverá a aprendizaxe do portugués
A Axencia para a Integración, Migracións e Asilo (AIMA) de Portugal presentará un plan de acción para promover a aprendizaxe do portugués por parte das persoas migrantes.
Fonte: Diário de Notícias
Unha nai galesa crea un sitio web de contidos en galés para familias
Ante a escaseza de material en liña para nais e pais que non falen galés, unha nai galesa de Swansea creou un sitio web con contidos en galés para que as familias poidan axudar os seus fillos e fillas coa aprendizaxe do idioma.
Fonte: BBC
A Asociación da Lingua Mirandesa mostra satisfacción pola proposta do Parlamento portugués para a promoción do idioma
O presidente da Asociación da Lingua e Cultura Mirandesas manifestou a súa satisfacción pola aprobación da iniciativa parlamentaria que creará un organismo para a promoción do mirandés, a segunda lingua oficial de Portugal.
Fonte: Mensageiro de Bragança
A Universidade de Aberdeen está considerando a interrupción dos estudos lingüísticos
A Universidade de Aberdeen, unha das máis antigas de Escocia, está considerando a cancelación das licenciaturas lingüísticas pola baixada das matrículas.
Fonte: STV News
O Goberno de Gales quere promover a lingua galesa como factor de integración das persoas migrantes
O Goberno do País de Gales está tomando importantes medidas para que o galés xogue un papel fundamental na integración das persoas migrantes na sociedade galesa.
Fonte: The Conversation
Inaugúrase o primeiro café en lingua de signos de Irlanda
A cidade de Dublín contará a partir de agora co The Deaf Café, a primeira cafetaría en lingua de signos de Irlanda. O local converterase nun centro de lecer e educativo para toda a comunidade de persoas xordas.
Fonte: Irish Examiner
O Banco Central de Nova Zelandia defende o uso do maorí
O director do Banco Central de Nova Zelandia, Adrian Orr, defendeu a promoción da lingua maorí nas institucións públicas a pesar das ameazas de reducir o seu uso por parte do novo goberno de centro-dereita.
Fonte: CNA
Boletín
Subscríbase ao boletín
