Mundo
Por vez primeira un indíxena ocupará unha cadeira na Academia Brasileira de Letras
O escritor e activista ambiental Ailton Krenak é o primeiro indíxena en se integrar na Academia Brasileira de Letras.
Fonte: Rádio Senado
A lingua alemá entra na campaña das eleccións polacas
A lingua alemá entrará con forza na campaña ás eleccións parlamentarias polacas. A minoría de lingua alemá quere que o goberno reconsidere a súa decisión de reducir nas escolas o número de horas semanais de alemán de tres a unha.
Fonte: DW
Un proxecto promoverá o gaélico irlandés nas escolas do condado de Donegal
A organización sen ánimo de lucro Gael Linn administrará un ambicioso proxecto que pretende fortalecer o uso do gaélico irlandés nas escolas de ensino primario e secundario do condado de Donegal.
Fonte: Highland Radio
O Congreso Permanente da Lingua Occitana embárcase na creación do Dicionario Xeral Informatizado da Lingua Occitana
O Congreso Permanente da Lingua Occitana (CPLO) comezou a traballar na creación do Dicionario Xeral Informatizado da Lingua Occitana, un ambicioso proxecto que facilitará a difusión desta lingua romance.
Fonte: Jornalet
O narrador e dramaturgo noruegués Jon Fosse recibe o Premio Nobel de Literatura
A Academia Sueca concédelle o galardón do Premio Nobel de Literatura ao escritor e dramaturgo noruegués Jon Fosse pola súa prosa innovadora e porque deu voz ao que non se pode dicir.
Fonte: The Guardian
A cidade de Coímbra acollerá a Casa da Cidadanía da Lingua
A cidade portuguesa de Coímbra acollerá a Casa da Cidadanía da Lingua que creará un observatorio de liberdade de expresión dos países de lingua portuguesa. A iniciativa nace dun acordo entre Asociación Portugal Brasil 200 anos (APBRA) e o Municipio de Coímbra.
Fonte: Mundo Lusíada
Dinamarca renova o seu dicionario ortográfico para facelo máis inclusivo en canto ao xénero
O Consello da Lingua Dinamarquesa renovou o seu dicionario ortográfico co obxectivo de ofrecer un texto máis inclusivo e libre de estereotipos de xénero.
Fonte: The Guardian
Un proxecto do Goberno de Gales permitirá incentivar o cinema en lingua galesa
Un acordo entre o Goberno de Gales e o partido Plaid Cymru permitirá a creación do programa Sinema Cymru co que se pretende dar un importante pulo ao cinema en lingua galesa.
A futura ministra de Educación de Kirguizistán fortalecerá o ensino do kirguiz nas escolas
A futura ministra de Educación de Kirguizistán, Dogdurkul Kendirbaeva, anunciou que fortalecerá o ensino da lingua kirguiz nas escolas e incrementará o número de centros que teñen este idioma como lingua de instrución.
Fonte: AKIpress
O Instituto Goethe lanza un portal de obras de lingua alemá traducidas ao portugués
Con motivo do Día Internacional da Tradución, o Instituto Goethe presentou na cidade de São Paulo un portal de literatura de lingua alemá traducida ao portugués.
Fonte: Publish News
Boletín
Subscríbase ao boletín
