O Parlamento de Dinamarca autoriza os seus deputados e deputadas a falaren nas dúas linguas minoritarias que existen no Reino de Dinamarca, o groenlandés e o faroés. Porén, non haberá servizo de interpretación e as persoas que empreguen estes idiomas deberán traducirse a si mesmas.

Fonte: Euroactiv

Un grupo de arqueólogos do lugar de Boğazköy-Hattusha, en Turquía, onde existiu a antiga capital do imperio Hitita, descubriu unha táboa cuneiforme cunha lingua indoeuropea até entón descoñecida.

Fonte: Heritage Daily

Co fin de promover a igualdade e a equidade entre todas as persoas, o parque temático Portugal dos Pequenitos, situado na cidade portuguesa de Coímbra, vai ofrecer visitas guiadas en lingua de signos.

Fonte: New in Coimbra

O 23 de setembro celébrase en todo o mundo o Día Internacional das Linguas de Signos, conmemorado polas Nacións Unidas para promover a identidade lingüística e diversidade cultural das persoas xordas. Na edición deste ano, a ONU salienta os valores de unión e concordia que promoven as linguas de signos en todo o planeta.

Fonte: United Nations

A illa escocesa de Tiree é un dos últimos redutos de falantes nativos de gaélico escocés. Unha asociación contratará dúas persoas que velarán pola promoción e protección da lingua vernácula para garantir o seu futuro entre as novas xeracións.

Fonte: The National

Un sindicato de profesorado alertou que Finlandia debe reforzar a instrución en finés para que os menores refuxiados procedentes de Ucraína poidan integrarse con maior facilidade.

Fonte: YLE

O colectivo de apoio ao galés Cylch yr Iaith alertou que o bilingüismo e uso de termos en inglés ao falar en galés pode erosionar a identidade e lingua galesas.

Fonte: BBC

Na reunión ministerial de Asuntos Xerais, os estados da Unión Europea mostraron as súas reservas acerca da oficialización do galego, o catalán e o éuscaro en Bruxelas.

Fonte: Euronews

A Unión Europea anunciou por medio dunha resolución que o programa de mobilidades Erasmus+ poderá agora incorporar o uso do galego, catalán e éuscaro.

Fonte: La Vanguardia

O mirandés é a segunda lingua oficial de Portugal hai agora 25 anos. Porén, a Carta Europea das Linguas Rexionais e Comunitarias aínda está pendente de ratificar por parte do parlamento nacional.

Fonte: RTP