Cada vez máis voces acusan o Partido Popular indio e o primeiro ministro Narendra Modi de desenvolver unha política de imposición do hindi como primeira lingua de todo o país.

Fonte: The Guardian

A Cinemateca de Xerusalén organizará no mes de xaneiro un ciclo de cinema dedicado á figura do escritor portugués José Saramago coa proxección de filmes sobre a vida e obra do autor.

Fonte: Sapo

O organismo de defensa do francés no Quebec, a Oficina Quebequesa da Lingua Francesa, advertiu que 47 distritos e cidades de todo o Quebec poderían perder o seu status bilingüe se as institucións non toman medidas para garantir a promoción das dúas linguas oficiais.

Fonte: Montreal Gazette

O número de falantes de lingua mapuche en Chile está caendo notablemente nos últimos anos debido a unha falta de políticas de preservación e promoción por parte das institucións.

Fonte: La Razón

Acábase de publicar a segunda edición, corrixida e aumentada, do dicionario ortográfico, gramatical e morfolóxico de lingua occitana de Josiana Ubaud, cunhas 119 000 entradas.

Fonte: Jornalet

O dicionario Cambridge da lingua inglesa modificou as entradas de "man" (home) e "woman" (muller) para incluír as persoas transxénero.

Fonte: CNN

O termo de base portuguesa "portuñol" é unha das 280 palabras que pasan a pertencer ao Dicionario da Real Academia Española.

Fonte: Observador

A longametraxe An Cailín Ciúin, gravada en gaélico irlandés, entra na lista de filmes seleccionados para os premios Óscar de Hollywood.

Fonte: Breaking News

A partir do próximo semestre, a Universidade Nacional de Comahue impartirá a diplomatura Kimeltuwe co fin de formar persoas en lingua e cultura mapuches.

Fonte: Río Negro

O gaélico irlandés é considerado agora lingua oficial en Irlanda do Norte despois de que a lei sobre lingua e identidade fose aprobada de xeito oficial neste territorio do Reino Unido.

Fonte: Nationalia