Mundo
Portugal celebra o seu Día Nacional da Lingua de Signos
Portugal conmemora o Día Nacional da Lingua de Signos Portuguesa (LGP, polas súas siglas en portugués) co fin de promover e respectar os dereitos das persoas xordas. Segundo a Asociación Portuguesa de Persoas Xordas, en Portugal hai 30 000 persoas que utilizan a lingua de signos.
Fonte: ComUM
A CPLP quere unha maior uniformidade do ensino da lingua portuguesa na educación primaria
Os diferentes estados que integran a Comunidade de Países de Lingua Portuguesa (CPLP) queren que exista unha maior uniformidade do ensino da lingua portuguesa na educación primaria.
Fonte: RNA
A proporción de falantes de galés cae a mínimos históricos
Os datos do último censo realizado en 2021 no País de Gales revelaron unha alarmante caída de falantes de galés até o mínimo histórico de 17,8 % da poboación residente, un 1,2 % menos que no censo realizado hai unha década.
Fonte: The Guardian
A UNESCO celebra o Decenio Internacional das Linguas Indíxenas
A UNESCO celebrará na segunda semana de decembro o Decenio Internacional das Linguas Indíxenas (2022-2032) e presentará un plan de acción para concienciar sobre a perda dramática das linguas nativas e a urxente necesidade de preservalas, revitalizalas e celebralas.
Fonte: UNESCO
Danse a coñecer en Mozambique os gañadores do Premio Oceanos 2022 de literatura en lingua portuguesa
A escritora portuguesa Alexandra Lucas Coelho, o autor mozambicano João Paulo Borges Coelho e a escritora brasileira Micheliny Verunschk foron os galardoados co Premio Oceanos 2022 de literatura en lingua portuguesa.
Fonte: Diário do Nordeste
Porto Editora presenta a lista de palabras que optan a se converter na mellor do ano en Portugal e Angola
Comezou a votación para escoller a palabra do ano 2022 en Portugal e Angola. A lista de dez palabras foi elaborada pola editorial Porto Editora.
Fonte: Diário de Notícias
As persoas refuxiadas afincadas en Letonia deberán saber letón para poder entrar no mercado de traballo
A partir de xaneiro de 2024, as persoas refuxiadas procedentes de Ucraína que estean afincadas en Letonia estarán obrigadas a facer un curso de letón para poder optar a un traballo.
Fonte: Baltic News Network
O Goberno do Reino Unido aproba unha nova partida orzamentaria para a promoción da lingua córnica
O Goberno do Reino Unido aprobou un acordo de descentralización de 360 millóns de libras para Cornualles que inclúe unha nova partida orzamentaria para a promoción da lingua córnica.
Fonte: Nation Cymru
O Goberno de Gales estende o ensino da lingua galesa a todos os profesionais que traballen no ámbito educativo
O ministro de Educación e da Lingua Galesa do País de Gales, Jeremy Miles, anunciou cursos de lingua galesa gratuítos a todo o persoal que traballe nas escolas e institutos.
Por primeira vez no Reino Unido promociónase unha longametraxe en córnico
A longametraxe de terror Enys Men, do director Mark Jenkin, converteuse no primeiro filme en Cornualles que se promociona tanto en inglés como en lingua córnica.
Fonte: The Guardian
Boletín
Subscríbase ao boletín
