Mundo
O Brasil consegue subir na clasificación mundial que mide o dominio da lingua inglesa
Pola primeira vez en once anos, o Brasil conseguiu acadar a posición 58 no dominio da lingua inglesa segundo o estudo realizado pola empresa Education First (EF) a nivel mundial.
Fonte: Exame 55
O catalán volve ser a primeira lingua materna de Andorra
A enquisa de Coñecementos e usos lingüísticos de Andorra revela que o catalán é de novo a primeira lingua materna da poboación andorrana maior de 14 anos, despois de décadas de liderado do castelán.
Fonte: Nationalia
Francia quere introducir unha proba de lingua obrigatoria para aquelas persoas que queiran optar a un permiso de residencia
O Ministerio do Interior de Francia confirmou que vai introducir a realización dunha proba de lingua obrigatoria para as persoas que queiran solicitar un permiso de residencia de varios anos.
Fonte: The Connexion
Un estudo revela que as linguas e os xenes non sempre evolucionaron xuntos
Un equipo interdisciplinario da Universidade de Zürich e o Instituto Max Planck de Antropoloxía Evolutiva de Leipzig revelou nun estudo que as linguas e os xenes non sempre evolucionaron en paralelo e isto pode axudar a desvelar información relevante sobre a historia da evolución humana.
Fonte: Arkeonews
O Goberno da República de Irlanda establece unha cota obrigatoria en gaélico para a publicidade
Representantes da industria da publicidade na República de Irlanda mostraron o seu desacordo ante a fixación dunha porcentaxe mínima de produtos publicitarios en lingua gaélica. A partir de agora un 20% de todos os anuncios procedentes de entes públicos deben estar en gaélico.
Fonte: Independent.ie
O persoal do principal organismo responsable da educación en Irlanda do Norte poderá recibir formación en gaélico
O persoal que traballe na Autoridade Educativa, principal organismo responsable da educación de Irlanda do Norte, poderá ter acceso a formación gratuíta en gaélico irlandés e escocés do Úlster.
Fonte: BBC
O Parlamento de Portugal aproba unha proposta para a promoción e protección da lingua mirandesa
A Comisión de Orzamentos e Finanzas do Parlamento de Portugal aprobou unha iniciativa do partido Livre para garantir a promoción e protección da lingua mirandesa.
Fonte: Correio da Manhã
Letonia prohibirá o ensino da lingua rusa nas escolas
Co obxectivo de priorizar o ensino doutras linguas oficiais da Unión Europea, o Ministerio de Educación de Letonia decidiu vetar a instrución da lingua rusa como segundo idioma estranxeiro en todos os centros educativos.
Fonte: The Baltic Times
Publican un dicionario bilingüe dunha lingua indíxena brasileira
Publícase o dicionario bilingüe kaiowá-portugués despois de 30 anos de traballos entre os pobos indíxenas guaraní-kaiowá do estado brasileiro de Mato Groso.
Fonte: Primeira Página
O Goberno de Gales apoiará o cinema en lingua galesa cunha nova partida orzamentaria
O Goberno de Gales anunciou que destinará unha partida orzamentaria de 180 000 libras esterlinas ao desenvolvemento do cinema rodado en lingua galesa.
Fonte: Nation Cymru
Boletín
Subscríbase ao boletín
