Mundo
Unha localidade do País Vasco francés dálle prioridade ao éuscaro na sinalización
Unha asociación a prol do éuscaro da localidade vascofrancesa de Saint-Jean-Pied-de-Port (Donirane Garazi, en éuscaro) decidiu mudar a orde dos topónimos e dar prioridade á denominación en lingua vernácula na sinalización de entrada á poboación.
Fonte: Mediabask
Un proxecto aspira a promover eventos de música en galés na cidade de Swansea
A iniciativa da lingua galesa da cidade de Swansea revelou un proxecto que fomentará a organización de eventos musicais en galés nesta localidade galesa nos próximos dous anos.
Fonte: Nation Cymru
O Goberno do Canadá rexeita conceder unha bonificación a traballadores bilingües que falen unha lingua indíxena
Desde finais dos anos setenta do pasado século, o Goberno do Canadá concede bonificacións a aquelas persoas traballadoras que empreguen o francés e o inglés no ámbito laboral. Porén, o Goberno rexeita conceder a mesma gratificación a aquelas persoas que, ademais dunha lingua oficial, falen unha lingua indíxena.
Fonte: The Guardian
A lingua española poderase empregar nos tribunais de Abu Dhabi
Unha axencia de noticias de Emiratos Árabes anunciou que os tribunais da cidade de Abu Dhabi permitirán a partir de agora presentar demandas e formularios en lingua española.
Fonte: Heraldo
Un grupo de investigadores descifra unha lingua da Idade de Bronce
Un grupo internacional de investigadores afirma ter descodificado a antiga lingua linear elemita, utilizada na Idade de Bronce pola civilización de Elam, natural do territorio que hoxe corresponde ao sur de Irán.
Fonte: Haaretz
Irlanda do Norte aposta por incrementar as escolas de inmersión en gaélico irlandés
O partido SINN Féin de Irlanda do Norte recibiu varias propostas para abrir novas escolas de inmersión en gaélico irlandés e duplicar así o número de centros deste tipo.
Fonte: Belfast media
Crean unha aplicación de tradución automática para a lingua nheengatu
Un grupo de científicos brasileiros da Universidade Federal do Ceará elaborou unha aplicación que permite traducir automaticamente textos en nheengatu, a única lingua viva descendente do tupí antigo.
Fonte: Brasil de Fato
Entregan as Medallas Goethe para premiar a difusión da lingua alemá
O Instituto Goethe entregou as súas Medallas Goethe 2022 a tres persoas de Exipto, India e Suráfrica co fin de honrar o seu labor na difusión e promoción da lingua alemá no mundo.
Fonte: DW
Un municipio mexicano introduce o ensino obrigatorio da lingua náhuatl
O municipio mexicano de Hueyapan, no estado de Puebla, decidiu aprobar o ensino obrigatorio da lingua náhuatl nas escolas locais.
Fonte: El Sol de Cautla
Dous mozos deseñan o primeiro teclado dixital de linguas amazónicas
Dous estudantes do Brasil crearon o primeiro software que permite escribir caracteres especiais de máis de 40 linguas indíxenas da Amazonia.
Fonte: Globo
Boletín
Subscríbase ao boletín
