Esta universidade, que terá a súa sede na Cidade de México, impartirá licenciaturas de Ensino de Linguas Indíxenas, Interpretación e Tradución en Linguas Indíxenas, Literatura en Linguas Indíxenas e Comunicación Indíxena Intercultural.

Fonte: El Economista

Coa conmemoración deste decenio por parte da Unesco preténdese frear a deterioración das linguas indíxenas e revalorizar a cultura destes pobos.  

Fonte: Radio Fórmula QR

Defensores da lingua añú de tres municipios venezolanos organizaron un encontro para conformar un comité para a súa preservación. Entre as ideas que se propoñen están a elaboración dun dicionario deste idioma indíxena ou a organización de cursos para a súa aprendizaxe.

Fonte: Versión Final

Un estudo publicado en Nature Human Behavior indica que os bebés comezan a relacionarse co mundo que os rodea ás poucas horas de nacer, mesmo coas linguas, e xa poden coñecer algunha palabra ás 5 horas do nacemento.

Fonte: Infobae

O 9 de agosto conmemórase o Día Internacional dos Pobos Indíxenas, proclamado pola Asemblea Xeral das Nacións Unidas (ONU), que este ano ten como tema o papel das mulleres indíxenas na preservación e a transmisión do coñecemento tradicional.

Fonte: Nueva Rioja

Representantes do pobo guaraní trataron varios temas relacionados coa conservación do seu idioma nun congreso, entre eles, o impulso do seu ensino nas escolas públicas e privada ou o reforzo da súa identidade.

Fonte: ABC

Como parte da celebración do Decenio Internacional das Linguas Indíxenas 2022-2032 e do Día Internacional dos Pobos Indíxenas, o Goberno de México impulsou un programa que ten como obxectivo fomentar a lectura e a escritura nestas linguas.

Fonte: Gobierno de México

Augúrase que en 2060 Estados Unidos pode converterse no país do mundo con máis falantes nativos de español. No caso de Guinea Ecuatorial, este é o único país en África onde é oficial. Pola contra, en Marrocos apenas o 1 % da poboación sabe falalo e en Filipinas perde forza fronte ao inglés.  

Fonte: Fundéu

A asociación a prol da lingua galesa Cymdeithas yr Iaith Gymraeg pediu ao Goberno do País de Gales que todas as escolas poidan ser de inmersión en galés a parir de 2050.

Fonte: Nation Cymru

O ministro de Educación de Estonia, Tõnis Lukas, propuxo unha revisión da política de ensino da primeira lingua estranxeira no país báltico. Até este momento, o ruso é a primeira lingua estranxeira que se ensina nas escolas estonianas mais isto responde, segundo o ministro, máis a un hábito que a unha necesidade.

Fonte: Baltic News Network