O protocolo de cooperación entre São Paulo e Coímbra permitirá que esta segunda cidade poida albergar a sede europea do Museo da Lingua Portuguesa.

Fonte: Mundo Lusíada

A carreira popular La Passem percorrerá 600 km por toda Occitania para reivindicar o uso e a transmisión da lingua occitana.

Fonte: La Depeche

O Senado do Brasil escolleu un novo representante brasileiro na Comunidade de Países de Lingua Portuguesa. Juliano Féres Nascimento ocupará o cargo de representante permanente do Brasil nesta institución que ten como obxectivo a promoción e defensa da lingua portuguesa, entre outros.

Fonte: Rádio Senado

A Asemblea Nacional de Nicaragua disolveu a Academia Nicaraguana da Lingua no marco dunha campaña do Goberno do ditador Daniel Ortega.

Fonte: Gazeta do Povo

Euskadi e Córsega inician un protocolo de intercambio de experiencias que permitirá que a rexión insular poida aprender do proceso de revitalización do éuscaro e aplicalo ás políticas de promoción da lingua corsa.

Fonte: Swissinfo

Un estudo realizado por Statistics Canada revelou que o incremento no número de persoas inuit que traballa no Goberno do territorio canadense de Nunavut non foi proporcional ao uso do inuktitut nas esferas públicas. O número de persoas competentes nesta lingua diminuíu considerablemente en postos de traballo gobernamentais.

Fonte: Nunatsiaq News

Co fin de preservar a pureza da lingua francesa, o Goberno de Francia prohibiu o uso de termos relacionados co ámbito dos videoxogos como 'gamer' ou 'e-sports' e propuxo no seu lugar formas tipicamente francesas.

Fonte: The Guardian

Unha canción interpretada en corso pola cantante Doria Ousset gaña o festival Liet International que fomenta o uso das linguas minorizadas de Europa e que tivo lugar na localidade dinamarquesa de Tønder.

Fonte: Jornalet

O suahili, unha lingua bantú orixinaria do leste de África que naceu como un dialecto "escuro", é hoxe a lingua máis comunmente falada no continente africano con 200 millóns de falantes. Un importante movemento quere convertela na lingua franca de toda África.

Fonte: BBC News

Unha investigación realizada na Universidade de Helsinqui abordou a orixe e evolución das linguas urálicas e revelou que avatares demográficos drásticos influíron na difusión de idiomas como o finlandés, o estoniano e o húngaro.

Fonte: Science Daily