Mundo
A cidade de Newport aproba unha estratexia de promoción da lingua galesa
O municipio de Newport, no sur do País de Gales, aprobou unha nova estratexia de cinco anos para a promoción do ensino e uso da lingua galesa.
Fonte: South Wales Argus
O municipio de Gwynedd designa un oficial responsable da promoción da lingua galesa
O municipio de Gwynedd designou a Iwan Hywel como novo responsable que se encargará de desenvolver iniciativas para protexer e promover o uso do galés en toda a entidade local.
Fonte: North Wales Chronicle
Unha canción en bretón representará a Francia en Eurovisión
Unha colaboración musical da Bretaña, Alvan & Ahez, representará a Francia no Festival da Canción de Eurovisión cunha canción en lingua bretoa.
Fonte: The Connexion
Suspéndense as probas oficiais de lingua rusa para bachareis en Estonia
As sancións impostas a Rusia pola invasión de Ucraína obrigaron a suspender as probas oficiais de lingua rusa destinadas a alumnado de bacharelato en Estonia.
Fonte: ERR
A barreira do idioma é o maior problema co que se atopan as crianzas ucraínas que chegan a Portugal
O presidente da Asociación Nacional de Directores de Agrupamentos e Escolas Públicas de Portugal declarou que o maior problema co que se encontran as crianzas procedentes de Ucraína é a barreira do idioma e pide recursos para fomentar a aprendizaxe do portugués como lingua non materna.
Fonte: CNN Portugal
O Goberno do Quebec aproba un plan para apoiar a lingua francesa noutras provincias canadenses
O Goberno do Quebec aprobou un novo plan que garantirá a protección e promoción da lingua francesa no resto de provincias canadenses.
Fonte: CKPGToday
O Instituto Camões e unha editora renovan un acordo de promoción da lingua portuguesa
O Camões - Instituto da Cooperación e da Lingua Portuguesa e a editora Lidel - Edições Técnic asinaron o seu protocolo de promoción da lingua portuguesa para o bienio 2022-2023.
Fonte: Notícias ao Minuto
A cidade de Edimburgo dedicará nomes de rúas a persoas que axudaron a promover e protexer o gaélico escocés
As rúas da cidade escocesa de Edimburgo poderán levar o nome de poetas e outros persoeiros que axudaron a protexer e revitalizar a lingua gaélica.
Fonte: Edinburgh Live
O descoñecemento da lingua luxemburguesa é a principal causa de discriminación en Luxemburgo
Un estudo sobre racismo elaborado polo Centro de Estudo e Formación Intercultural e Social (Cefis) e o Instituto Luxemburgués de Investigación Socioeconómica (Liser) revelou que a principal causa de discriminación cara á poboación estranxeira no Gran Ducado é o descoñecemento da lingua luxemburguesa.
Fonte: Contacto
A Comisión Europea en Portugal asóciase á plataforma de apoio lingüístico ás persoas refuxiadas "SPEAK For Ukraine"
Unha colaboración da Representación da Comisión Europea en Portugal e a Asociación Be Human permitiu crear a plataforma "SPEAK For Ukraine" que ten por meta axudar as persoas refuxiadas procedentes de Ucraína a que superen a barreira lingüística e creen unha rede informal de apoio.
Fonte: Comissão Europeia
Boletín
Subscríbase ao boletín
